Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Catro anos despois de pechar o diario

Teiman no proceso contra Egunkaria malia recoñecer a Fiscalía que "non hai probas"

Subliñaron os fiscais que non hai "delito ningún", pero as acusacións particulares de colectivos como a AVT forzaron na Audiencia Nacional a apertura do xuízo.

Redacción - 08:00 13/06/2007
Tags: AVT Egunkaria

Hai catro anos que as forzas policiais arramplaron na sede do diario Egunkaria, daquela o único en éuscaro, e baixo a acusación asinada polo xuíz Del Olmo de seren presunto instrumento controlado pola ETA, pecharon a publicación.

A acción foi longamente denunciada por colectivos en defensa dos dereitos civís como un exceso na actuación das forzas de seguridade. Catro anos despois, a fiscalía deulles a razón aos acusados: non existía proba ningunha contra eles, polo que solicitaban pechar definitivamente o proceso.

E con todo, a Audiencia Nacional concede agora a apertura do xuízo oral e desestima o recurso de súplica interposto polos sete procesados. A Sala do Penal da Audiencia Nacional argumenta que responde á acusación popular, exercida pola Asociación de Vítimas do Terrorismo e o colectivo Dignidade e Xustiza.


5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: