Vieiros

Vieiros de meu Perfil


Fwwwrando

RSS de Fwwwrando
Nova emisora na rede

Blogaliza pon en marcha a súa radio

A programación de 24 horas está composta de música de grupos galegos e novas do portal Chuza.

M. del Río - 13:27 28/06/2007

Xa está na rede Radio Blogaliza, unha nova emisora en liña que ofrece exclusivamente música galega que foi publicada na web de xeito gratuíto polos seus autores. Os internautas teñen a posibilidade de pedir os temas que desexen dun amplo catálogo. A vella fórmula das peticións do ouvinte está a ter un grande éxito nos primeiros días de vida da emisora.

A parte informativa de Radio Blogaliza póñena informacións recompiladas no portal Chuza, que vai lendo unha voz sintetizada. Nun futuro espérase ampliar a programación con outros contidos, como podcasts do país.

O proxecto, impulsado polo portal de bitácoras Blogaliza, é realidade grazas á participación de Goretoxo, Calidonia, Brenlla e a rede de emisoras municipais Radiofusión. O seu funcionamento está baseado completamente en software libre e mesmo emprega o formato aberto de codificación de audio OGG Vorbis.

A nova emisora está aberta a recibir máis achegas de grupos que desexen dar a coñecer a súa música e xa se pode escoitar no enderezo radio.blogaliza.org.


4.88/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: