Vieiros

Vieiros de meu Perfil


Edición xeral

RSS de Edición xeral
Estará dous meses a exposición pública

Publícase no DOG o Plan Galego de Acuicultura

Durante os próximos dous meses poderánselle presentar alegacións ao texto, antes de ser aprobado polo Consello da Xunta.

Redacción - 12:32 30/06/2007

O Plan recolle todos os emprazamentos que poden dedicarse á cría de peixes en Galiza. Ningunha das novas instalacións se atopará en espazos de Rede Natura ou noutros hábitats protexidos, atendendo ao compromiso do goberno de revisar o Plan Sectorial de Parques de Tecnoloxía Alimentaria, aprobado polo anterior executivo, para dispor dun texto alternativo no primeiro semestre do 2007.

Estas modificacións encamiñáronse a buscar localizacións en que se poida desenvolver unha actividade acuícola respectuosa e en harmonía co medio ambiente, e darlles seguridade xurídica aos empresarios de cara ao investimento que fagan na cría de peixes en Galiza. Para isto foi necesario revisar todas as localizacións emprazadas en espazos protexidos, e ofrecerlles alternativas aos propietarios.

A Consellaría de Pesca e Asuntos Marítimos traballou na revisión do texto en coordinación coas consellerías de Medio Ambiente e Política Territorial para evitar que a súa tramitación tivera dificultades ou atrancos nos diferentes trámites administrativos.


3.5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: