Vieiros

Vieiros de meu Perfil


Edición xeral

RSS de Edición xeral
Joan Herrera, ICV-EUiA

"Garanta a educación de 0 a 3 anos no canto de ofrecer cheques"

O voceiro de ICV recordoulle ao goberno español o paradoxo de que na LOE negase a gratuidade para o ensino até os 3 anos e agora ofreza cheques para promover a natalidade.

Redacción - 12:40 04/07/2007

"Na Lei de Ordenación Educativa negáronse a incorporar ese dereito, ensino gratis até os tres anos de idade, e agora propoñen un cheque de 2.500 euros para as familias? Eu prefiro dereitos a cheques", indicou Joan Herrera. O deputado catalán expresou que o executivo debera garantir que as leis sociais "deben estar acompañadas dun aumento do gasto social".

Na opinión do voceiro de Iniciativa per Catalunya, esta "era e aínda pode ser" unha lexislatura de "oportunidades". Herrera preguntouse se o Congreso se estaba sacando proveito á maioría de esquerdas saída das urnas o pasado marzo de 2004 e reflexionou que as políticas de alianzas amosáronse exitosas cando a maioría do PSOE escolleu a esquerda para as alianzas. Segundo opinou, os acordos coa "dereita nacionalista" demostraron erros e puxo exemplo en materia de fiscalidade ou modelo enerxético.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: