Vieiros

Vieiros de meu Perfil


Edición xeral

RSS de Edición xeral
Enerxías alternativas

A Xunta regulará a implantación de empresas de biomasa forestal

As instalacións de produción eléctrica a partir da biomasa estarán reguladas e controladas pola Xunta. Con esta medida preténdese crebar a dependencia enerxética galega.

Redacción - 17:30 20/07/2007
A enerxía eléctrica producirase a partir da biomasa

A enerxía eléctrica producirase a partir da biomasa

Industria aspira a, de aquí a 2012, instalar un máximo de 80 MW eléctricos a partir de biomasa forestal primaria, comezando a partir do outono que vén.

Con este decreto a Xunta pretende reducir a dependencia enerxética de Galiza do Estado, poñer en valor o residuo forestal que hai no monte galego, crear novas fontes de enerxía primaria e, ao terminar con todo o que sobra dos montes, contribuír á prevención de lumes.

As áreas escollidas pola Xunta
O Goberno galego asegura que este Plan Técnico establece unhas áreas xeográficas para o aproveitamento da biomasa forestal, "compatíbeis cos usos tradicionais do monte, e sen que entren en colisión con outras actividades económicas a el vinculadas".

As áreas xeográficas que se recollen no proxecto son as de Xallas-Terra de Soneira, Terra Chá-O Eume, A Fonsagrada-Meira, O Deza, Terra de Lemos-Chantada-Sarria, O Condado-A Paradanta e Verín-A Limia. A instalación das plantas de biomasa estará regulada polo goberno galego, e o emprazamento das mesmas deberá estar completamente xustificado.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: