Vieiros

Segundo Paulo Carril, representante da CIG, ambos os dous, Javier Losada e Emilio Pérez Touriño, reuníronse con Fernando Martín, novo presidente de Fadesa, para pedirlle que garanta o mantemento dos postos de traballo na Coruña. Carril insiste en que deben tomar medidas, logo de demandaren tranquilidade á poboación no tocante á venda da empresa.

O representante de CCOO, José Lado Lestón, lembrou que ao non estar definido o comité de empresa, en plenas eleccións sindicais, cómpre paralizar os movementos que afecten os traballadores até que se constitúa a mesa . Dende Comisións amosáronse tamén preocupados pola posibilidade de que se rescindan contratos temporais da Coruña, ao se trasladar a empresa a Madrid. O cadro de persoal de 1.400 persoas empregadas reduciríase considerabelmente, e quedarían na Coruña as tarefas de administración informática.