Vieiros

Vieiros de meu Perfil


Galego.org

Xestionado por Vieiros
RSS de Galego.org
Canle dixital

Os escoceses debaten na internet os contidos dunha nova televisión en gaélico

Está previsto que comece a emitir en marzo de 2008. O proxecto está impulsado polo Scotland and Seirbheis nam Meadhanan Gàidhlig e BBC Scotland.

Redacción - 11:15 31/08/2007
A nova canle dixital emitirá a partir de marzo

A nova canle dixital emitirá a partir de marzo

A primeira canle dixital en gaélico, nace grazas a colaboración entre a BBC Scotland e o Scotland and Seirbheis nam Meadhanan Gàidhlig (GMS). Os dous socios decidiron abrir ao público un debate na internet sobre que contidos deberían ser tratados nesta.

Dende o GMS agardan que na conversación online, iniciada este xoves na súa web, tamén se involucren produtores, guionistas, directores e deseñadores. Segundo un dos responsábeis da compañía, Donald Campbell, "é vital que contactemos directamente con toda aquela xente da comunidade gaélica e da industria creativa en Escocia que poida contribuír a este novo servizo".

"Todos eles teñen un papel clave neste ilusionante progreso para a lingua e cultura gaélicas e agardo que se produza un interesante debate nas vindeiras semanas", sinalou.

Está previsto que a canle comece a emitir no mes de marzo de 2008, aínda que ao principio terá unha programación reducida que se irá ampliando co tempo.


4,67/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: