Vieiros

Vieiros de meu Perfil


Edición xeral

RSS de Edición xeral
UNHA SINDICALISTA DA UXT DEFENDE Á EMPRESA

Xulgan a Pizza Móvil por despedir traballadores que se sindican

Unha representante da CNT en Santiago quedou na rúa tras montar a sección sindical deste sindicato na cadea de comida rápida.

M.V. - 11:15 31/08/2007
Denunciáronse agresións nunha das protestas / CNT

Denunciáronse agresións nunha das protestas / CNT

O xuízo polo despedimento dunha traballadora de Pizza Móvil en Santiago comezou este xoves. A operaria foi despedida tras constituír unha sección da Confederación Nacional dos Traballadores (CNT) de Galiza na cadea de comida rápida.

A CNT acusa á compañía de tomar represalias contra esta traballadora e outro compañeiro do mesmo sindicato, a quen suspendeu de emprego e soldo. Con estes castigos, Pizza Móvil quere impedir que os asalariados se organicen para mellorar as súas precarias condicións laborais, di a organización.

Unha representante da UXT apoia á empresa

No xuízo deste xoves declarou outra asalariada e representante da UXT no mesmo centro de traballo. Segundo a CNT, a representante da UXT, Vanessa Pereiro, púxose de parte da empresa, criticou a súa compañeira e as mobilizacións do sindicato anarquista contra Pizza Móvil.

A Confederación Nacional dos Traballadores (CNT) reclama a readmisión da despedida, para o que organizou numerosos actos de protesta ante os restaurantes de Santiago, Vigo e Bertamiráns, entre outras localidades, durante este verán.

Acusan de lesións a tres sindicalistas
A raíz dunha desas protestas, Vanessa Pereiro presentou unha denuncia no xulgado contra tres cenetistas acusándoos de agredila.


4.64/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: