O corpo asegura que investigará a autenticidade das imaxes colgadas en Youtube e que tomará medidas disciplinarias.
A Polícia de Segurança Pública portuguesa (PSP) está a investigar un vídeo que se poder ver no YouTube onde cinco homes uniformados agriden un home no Parque das Nações de Lisboa. O vídeo, segundo informa o Portugal Diário amosa, cunha deficiente calidade de imaxe, unha brutal malleira, durante 1 minuto e 41 segundos.
As imaxes xa están a provocar un escándalo no país veciño, se se demostra que a gravación é real e que hai axentes da PSP implicados nun episodio de violencia policial. A voceira do corpo, a subcomisaria Paula Monteiro, declarou á axencia Lusa que, se as investigacións confirman a autoría de membros da PSP, serán sometidos a un proceso disciplinario. Tamén indicou que non se recibira ningunha queixa ao respecto.