Vieiros

Vieiros de meu Perfil


Fwwwrando

RSS de Fwwwrando
CAMPAÑA CLAVE PARA OS FABRICANTES

Un GPS con imaxes reais é a aposta de Blusens para o Nadal

A firma galega di que se trata do primeiro GPS no mercado que mestura mapas e fotografías aéreas

Redacción - 17:32 27/09/2007
X. R García, alma mater de Blusens

X. R García, alma mater de Blusens

Blusens, o fabricante santiagués de trebellos tecnolóxicos, presenta as novidades do seu catálogo de cara a campaña de Nadal, cando se efectúan a maioría das compras neste sector.

O seu produto estrela é un GPS para o coche capaz de mostrar a navegación sobre imaxes reais (procedentes de fotografías aéreas) ademais de sobre os habituais mapas. A compañía asegura que é o primeiro produto destas características existente mercado.

Mp3 con wifi
O lanzamento de produtos con características únicas foi clave para que a firma galega se fixese un oco nas tendas de electrónica. De feito, outra das estrelas da presentación do catálago será o reproductor de MP3 G14, o primeiro que tivo conectividade wifi.

Innovación e modelos

O acto de presentación terá lugar o 2 de outubro en Madrid. Contará coa presencia de Miss e Míster España, elexidos nun certame patrocinado pola marca galega. E é que para facerse un sitio nos escaparates, Xosé Ramón García, o creador da empresa, aplica, ademáis de moita innovación, importantes campañas promocionais.

Fundada en 2002 en Santiago, a firma conta con fábricas en China e oficinas en Madrid, Dubai e Hong Kong.


4,5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: