Edición xeral
Grandes espectáculos do Xacobeo en Oleiros
O conselleiro de Cultura, Xesús Pérez Varela, di que Oleiros acollerá dous dos mellores espectáculos do Xacobeo. Alí actuarán Mike Olfield, Van Morrison, Luar na Lubre e a Filarmónica de Brno.
O día 31 de Xullo actuarán na praia de Santa Cristina Mike Olfield, Van Morrison e Luar na Lubre.
O concello tamén acollerá un concerto da Orquesta Filarmónica de Brno, que interpretará a "Música acuática" de Haendel, nun acto que estará combinado cun espectáculo de luz e son.
O conselleiro dixo que se estaba facendo un gran esforzo pola descentralización dos actos para conseguir unha maior distribución no percorrido do visitante para que teña unha estancia media de 72 horas en Galicia.
Tamén mencionou as numerosas actuacións que se celebrarán na cidade de A Coruña e outros concellos da bisbarra, coma Sada, Miño e Betanzos.
O conselleiro fixo a presentación en Oleiros invitado por Xesús María Fernández Rosende, candidato do PP á alcaldía do concello. Manifestou que no caso de que o invitara a alcaldesa, tamén viría facer unha presentación do Xacobeo.
Roberto Catoira
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto