Vieiros

Quérenlle pór freo ao que consideran "unha dilapidación". Como declarou a Europa Press, Padín lamenta que o goberno asumise un proxecto nado, para a súa idea, “da chochez dun faraón", malia non saber "o que quere facer" no Gaiás. O responsábel da formación política afirmou que o proxecto "hipoteca a economía de Galiza".

Por outra parte, sobre as xuntanzas que Terra Galega mantén con formacións independentes para incorporalas, Padín amosouse optimista, e, malia non achegar nomes, falou de "catro ofertas que están pendentes de concretar". A formación mantivo este sábado en Compostela a II Convención Municipalista.

Padín lembrou que a formación conta na actualidade con 66 concelleiros, cinco alcaldes e a presenza no Goberno de 18 municipios, e aínda sinalou "nos próximos tres ou catro meses entrará noutros dous concellos, cunha moción de censura ou outras vías".