Vieiros

"A Xunta insiste en manter un discurso triunfalista, pero a realidade desminte cada día eses argumentos", afirmou este luns a deputada Beatriz Mato Otero, voceira de Traballo do grupo parlamentario do PPdeG. Referiuse Mato ao incremento dos produtos básicos da cesta de compra, a suba continua do petróleo e o esforzo crecente "ao que teñen que facerlle fronte as familias para poder pagar as hipotecas e créditos persoais".

Segundo a popular, o conxunto de indicadores "evidencian un escenario difícil para as economías familiares", reflictido no "mínimo histórico" do índice de confianza dos consumidores. Fronte a isto, o PPdeG propón varias medidas. En primeiro lugar, reaxustar o proxecto de orzamentos priorizando o investimento produtivo, "que tal e como está só medra un 3%". Por outro lado, propoñen reducir o gasto corrente, "que medra arredor dun 8,9%".