Vieiros

Vieiros de meu Perfil


Edición xeral

RSS de Edición xeral
Chámase 'Destino Galicia'

O ex celtista Míchel Salgado presenta o seu canal de TV dixital sobre o país

O canal temático funciona dende esta sexta feira e poderase ver nas principais plataformas televisivas do Estado.

Redacción - 17:45 09/11/2007
O futbolista, coa camisola do seu novo canal

O futbolista, coa camisola do seu novo canal

Destino Galicia é o nome que o xogador de fútbol escolleu para o seu propio canal, que comeza a emitir na sexta feira nos paquetes básicos das principias plataformas dixitais do Estado. É un canal temático sobre Galiza que vai abranguer, segundo os seus creadores, as diferentes identidades do país: dende o mundo da pesca, ao da gastronomía, pasando polo deporte.

A canle poderase ver en toda a Península Ibérica, Baleares, Canarias, Azores, Madeira, a meirande parte dos países europeos, no norte de África e nalgunhas zonas de Oriente Medio.

Cun investimento de preto de catro millóns de euros e un cadro de profesionais dunhas 20 persoas (entre operadores de cámara, redactores, guionistas, produtores e editores), Míchel Salgado entra no mundo dos medios, aínda que xa se embarcara no mundo empresarial hai tempo.

Vida e obra de Míchel Salgado
Ademais de xogar ao fútbol, Salgado fixo os seus investimentos, sobre todo na súa cidade, principalmente no terreo inmobiliario. Os seus cartos mesturáronse cos de Karpin na remodelación do Barrio do Cura, en Vigo. Tamén ten propiedades no polígono industrial do Porriño.

Investiu nun proxecto inmobiliario que comezou na rúa viguesa de López de Neira, con distintos locais comerciais que mercou alí e en varios barrios, entre os que se atopa un baixo que agora aluga á firma Adolfo Domínguez na zona de Príncipe.

Outra fronte aberta polo peto de Salgado son os investimentos no mundo da hípica. De feito, mercou unha egua que lle está proporcionando considerábeis ingresos tras gañar algunhas carreiras.

A pesar dos negocios nos que anda, o xogador do Real Madrid non quere deixar a súa actividade no deporte profesional, aínda que, como algúns predios e construcións, non dura toda a vida.


3,25/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: