Vieiros

Vieiros de meu Perfil


Edición xeral

RSS de Edición xeral
No 5º aniversario do Prestige

Desde o Instituto Oceanográfico sinalan que a costa está "recuperada"

Nun 98% cualificou Xoán Xosé González, director do Instituto Oceanográfico de Vigo, a recuperación da costa galega dos danos ambientais sufridos pola marea negra.

Redacción - 09:30 11/11/2007

A flora e a fauna do litoral estarían "practicamente igual que antes do accidente", segundo o experto consultado esta fin de semana. González, quen controla directamente o programa de estudo sobre contaminación mariña do Instituto, considera que a maioría de informes científicos dan por pechado o asunto do Prestige, de xeito que as principais investigacións que permanecen activas son as relacionadas co pecio do buque.

Afortunadamente, non se produciu a afectación que prevían algúns expertos, xa que non houbo mutacións xenéticas en especies nin se detectaron baixadas importantes de poboacións, salvo en casos illados como a semente de mexillón ou a cigala. Si advirte así dalgúns efectos na reprodución dalgunhas especies, pero restrinxe os problemas de rexeneración a pequenas zonas costeiras de difícil acceso, na súa opinión, apenas o 2% do total da liña de costa.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: