Vieiros

O Espazo Galego dos Països Catalans é un colectivo asembleario, formado por galegos e xente vinculada a Galiza, que pretende visibilizar a identidade galega dun xeito construtivo, fomentando a lingua e a cultura galegas nas súas diferentes manifestacións, co obxectivo de tender pontes entre Galiza e os territorios de fala catalá, e tamén co resto da lusofonía, e, por outra banda, facer unha análise crítica das problemáticas tanto da Galiza como da sociedade catalá.

Despois de dous anos de traballo, o Espazo Galego convoca e convida a unha xornada de reapertura, que pretende ser un punto de encontro e intercambio de ideas e experiencias.

O obxectivo desta Xornada de Reapertura é, como o seu nome indica, iniciar un proceso no que se pretende abrir o proxecto do Espazo Galego a novas incorporacións, novas propostas e iniciativas.

Nesta xornada farase unha breve presentación da asociación, desde os seus orixes e a súa historia -actos e campañas- co obxectivo de abrir un debate, que se pretende que sexa o máis aberto e participativo posible, sobre as liñas de acción a seguir, iniciativas e propostas.

O acto terá lugar o vindeiro sábado no Centre Transformadors de Barcelona, C/Ausias Marc, 60.

Estrutura da Xornada:

1. Presentación do Espazo Galego.
Orixes, principios ideolóxicos, actos e campañas.

2. Debate.
Preguntas, propostas, iniciativas.

3. Conclusións e peche.
Convocatoria de nova xuntanza.

Agardamos a vosa participación.

Máis información na web de Espazo Galego dos Països Catalans.


Xornada de reapertura de Espazo Galego

Sábado, 24 de novembro, 17 h

Centre Cívic Transformadors de Barcelona
Ausiàs Marc, 60