A Universitat Politècnica de Catalunya monta na web un punto de encontro entre os profesionais e as empresas.
A Associació d'Amics de la Universitat Politècnica de Catalunya (AAUPC) organiza dende este luns 26 e até o 3 de decembro a primeira feira virtual do emprego, centrada no sector das Tecnoloxías da Información e da Comunicación (TIC). Durante unha semana, a rede será o punto de encontro entre as empresas e os profesionais en Directe a la feina: Professionals TIC (directo ao traballo: profesionais TIC).
O evento virtual, segundo informa Vilaweb, conta coa colaboración dalgunhas das empresas máis importantes do sector, e para participar nela é preciso inscribirse na web da feira. A AAUPC creouna en 1991 o Consello Social da UPC para facilitar o desenvolvemento profesional dos titulados saídos da universidade.