Edición xeral
A eurobilla abre para a alta velocidade Vigo-Porto
Esvaen as incertezas sobre a futura vía ferroviaria co compromiso aprobado pola Unión Europea de investir 244 millóns de euros na liña da eurorrexión.
A Unión Europea acaba de facer unha importante inxección económica que contribuiría a afrouxar os problemas orzamentarios que desde o goberno portugués se argumentaban como posíbel atranco para o despregue da liña de alta velocidade Galiza-Norte de Portugal. Neste escenario, o ano 2013 aparece outra vez como probábel data para a finalización desta obra.
A proposta de financiamento que achegaba a Unión Europea foi aprobada este xoves, garantindo que a UE vai poñer 244 millóns de euros para esta infraestrutura entre Vigo e Porto. O vicepresidente da Eurocomisión e responsábel de Transportes, Jacques Barrot, expresou a súa satisfacción polo plan financeiro presentado e salientou a vontade de apoiar iniciativas transfronteirizas clave. Con todo, alén do proxecto galego-portugués, outro proxecto a nivel estatal, a liña Madrid-Lisboa, recibiu a maior achega económica, un total de 363 millóns de euros.
Comentarios (2)
Isto si que é unha boa noticia. A ver se comezamos a pensar que unha mellora económica no Norte de Portugal é positiva para a economía galega e non ao revés como se vende sempre nos xornais galegos
Esta linha sim que é importante e nom a de Ourense-Madrid, pois para ir a Madrid já temos os aeroportos (e por si fosse pouco temos três).
Aqui falamos do linha do Eixo Atlântico, falamos de comunicar as cidades (duas terceiras partes da populaçom galega) com a área metropolitana de Porto e o Norte de Portugal, continuando até Lisboa.
Nom entendo como os galegos em geral, e particularmente os de Vigo nom priorizam as demandas sobre esta linha e andam com a teimosia da saída por Cerdedo (para aforrar só os 15 minutos de ir a Compostela, ainda que isso signicará ter menos frequencias). Nom será melhor construir antes Vigo-Porto e depois a saída por Cerdedo? Depois muito falar de Euro-Regiom Galiza-Norte de Portugal, muito criticar aos centralistas (mentras o único que nos preocupa é ir a Madrid), muito falar de Europa (sabendo que Europa nom começa nos Pirineos senom no rio Minho)...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto