Vieiros

Vieiros de meu Perfil


Edición xeral

RSS de Edición xeral
A SENTENZA MARCA UN IMPORTANTE PRECEDENTE

Un xulgado da Estrada desestima a denuncia da familia dun ex alcalde franquista contra un historiador

O tribunal considera que os textos de Dionisio Pereira sobre a represión en Cerdedo logo do golpe militar de 1936 están debidamente documentados.

R.V. - 19:26 12/12/2007

O Xulgado de Primeira Instancia da Estrada acaba de desestimar a denuncia que a familia dun ex alcalde franquista de Cerdedo, Manuel Gutiérrez Torres, presentara contra o historiador Dionisio Pereira. Os descendentes do rexedor consideraban que un estudo do autor sobre a represión en Terra de Montes constituía un atentado contra a honra do que fora tamén xefe da Falanxe na localidade.

No controvertido texto, Dionisio Pereira aporta datos que vinculan ao ex alcalde coa violenta represión que se produciu na comarca logo do golpe militar de 1936. Xa durante o propio xuízo celebrado o pasado día 2 de outubro, o fiscal sinalou que non vía motivos para a demanda civil. Agora, o xulgado ratifica aquela opinión.

Segundo lle explicou a Vieiros a avogada do historiador, Jacoba Millán, a familia ten de prazo até o xoves da vindeira semana para presentar recurso diante da Audiencia Provincial. Sexa como for, a propia letrada lembraba que se trataba dunha sentenza importante polo precedente que senta en Galiza. Ademais subliñou que queda probado que o autor tiña fontes sólidas que apoiaban o seu estudo.

Vídeo do xuízo celebrado o pasado 2 de outubro:


4.95/5 (22 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: