Vieiros

A Executiva Nacional do BNG aprobou este xoves as listas completas ao Congreso español, aínda que agora terán que referendalas as asembleas comarcais e o Consello Nacional, algo que se dá por feito. O máis resaltábel é a aposta do Bloque para que os cargos locais reforcen as listas electorais. A número dous pola circunscrición coruñesa vai ser a concelleira santiaguesa Elvira Cienfuegos; en Pontevedra este posto recae en Anxos Riveiro, voceira dos nacionalistas na cidade do Lérez; en Lugo a segunda praza defenderáa o alcalde de Monforte, Severino Rodríguez; e en Ourense será a actual vicepresidenta do Parlamento, Tareixa Paz.

Dende a executiva nacionalista sinalan que se tivo en conta a “experiencia” de moitos dos elixidos, o que explicaría a elección de tantos militantes con responsabilidades municipais.