Alumnos de ESO participarán en diferentes actividades que intentan concienciar da importancia que ten o mar para o noso país.
O director xeral de Xuventude, Rubén Cela, presentou este luns en Compostela o programa 'Entre Mareas'. A iniciativa, que conta tamén coa colaboración da Dirección Xeral de Turismo e da Innovación e Desenvolmento Pesqueiro, quere achegar os escolares de primeiro e segundo ciclo de ESO ao medio mariño,
As excursións van ter lugar no Concello do Grove ao longo dos meses de febreiro, marzo e abril. Os centros escolares interesados teñen de prazo até o vindeiro mércores para inscribirse. En total, ofértanse catro mil prazas, mil máis ca na pasada edición.
Os escolares terán a oportunidade de realizar actividades como unha travesía marítima a bordo dun catamarán adaptado á visión submariña ou participar en obradoiros de aves e mamíferos mariños.
Rubén Cela salientou a importancia destas actividades para achegar aos adolescentes a un dos principais sectores produtivos do país.