Vieiros

Vieiros de meu Perfil


Edición xeral

RSS de Edición xeral
PIDEN QUE O MINISTERIO PÚBLICO INVESTIGUE O SUCEDIDO

Os helicópteros que saíron á busca dos náufragos do 'Cordero' tiñan as cámaras térmicas avariadas

Segundo a CIG, as aeronaves teñen este sistema inoperativo dende que as mercou a Xunta en 2005.

Redacción - 19:06 16/01/2008

Os helicópteros Pesca 1 e 2 da Xunta de Galicia saíron, segundo denuncia a CIG-Mar, á busca dos náufragos do Cordero coas cámaras térmicas de última xeración inutilizadas. O sindicalista Xabier Aboi afirma ter constancia de que as aeronaves mercadas en 2005 traían estes dispositivos que por razóns técnicas, inexplicablemente, nunca chegaron a funcionar. As cámaras que traen incorporadas os helicópteros teñen un coste de 60 mil euros.

Mais a CIG-Mar tamén denuncia mentiras na versión oficial do Ministerio de Fomento. Segundo Aboi, a radiobaliza do barco saltou á 1.10 horas da madrugada, 68 minutos antes da versión oficial. Dende ese momento, e polo temor a que se tratase dunha falsa alarma, dedicouse o tempo restante a tratar de averiguar a veracidade do SOS.

Xabier Aboi lembrou que as competencias en Salvamento Marítimo son do Ministerio de Fomento e das capitanías marítimas: “desde a CIG reclamamos que se traslade aquí esta competencia para poder abordar este tema desde a nosa realidade”. A CIG-Mar tamén esixe que a fiscalía actúe de oficio e investigue todas as circunstancias que rodean o suceso.


5/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: