Vieiros

Vieiros de meu Perfil


Edición xeral

RSS de Edición xeral
Concedido polo Consello de Ministros en 2005

Mantéñenlles o indulto aos policías de Vigo que mallaron nun senegalés

O Tribunal Supremo rexeitou os recursos presentados pola defensa de Mamadou Kane, o vendedor ambulante ao que os axentes retiveron ilegamente e despois agrediron.

Redacción - 09:00 18/01/2008

Os policías Celso Alonso Blanco, Elena Fernández Bouzas e Sebastián Fernández Estévez foron condenados en abril de 1999 pola Audiencia Provincial de Pontevedra a tres anos de cárcere, mentres que ao cuarto, Xoán Manuel Pérez Rodríguez, se lle impuxo unha pena de catro anos de prisión.

Daquela, a Audiencia considerou probado que o 17 de marzo de 1997 os axentes detiveron o inmigrante de orixe senegalesa Mamadou Kane na praia de Samil, que os axentes o trasladaron até un monte próximo ao campus universitario, e que aló insultárono e golpeárono. O Supremo confirmou a sentenza, que incluía a expulsión dos axentes do Corpo de Policía, e desestimou aumentar as condenas indicando que non se observaran motivacións racistas na súa actuación.

Indulto en 2005
O Consello de Ministros acordou concederlles en 2005 a estes catro policías o indulto. Así, en xaneiro de 2006, tras a concesión dos indultos, o goberno municipal de Vigo acordou o seu reincorporaron ao equipo de Policía Local. Diante dos recursos presentados a esa decisión, o Tribunal Supremo confirmou agora o indulto.

Nunha sentenza feita pública este xoves, o alto tribunal confirma a decisión lexislativa e rexeita os catro motivos contidos no recurso de casación presentado pola defensa de Kane, que fundamentou a súa petición na falta de motivación dos indultos, a ausencia de audiencia do ofendido, varios defectos no informe do tribunal sentenciador e a imposibilidade de conceder esta medida de graza a penas de inhabilitación. A sentenza asinada polo maxistrado Agustín Puente rexeita estes catro motivos.


2.5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: