Falcatruada, Nordesía, La Fábrica de Chocolate e Zouma Records estarán no stand preparado pola Consellaría de Cultura.
O Midem, que se celebra en Cannes do 27 ao 31 de xaneiro, é a feira da industria musical máis importante do mundo, e conta coa presenza de máis de 10.000 profesionais procedentes de 90 países. Por segundo ano consecutivo Galiza contará cun stand propio na feira. Alí estarán cinco empresas galegas especializadas na produción, promoción e distribución musical, Falcatruada, Nordesía, La Fábrica de Chocolate e Zouma Records.
Ademais, o IGAEM elaborou diverso material promocional específico para o evento que se repartirá entre os visitantes do stand. Baixo o lema de ‘Open: Galician Music at Midem 2008', inclúe un libro con información sobre Galiza e a súa música e un CD con cancións seleccionadas por un comité de expertos musicais. O CD de audio acolle a artistas e grupos galegos con disco editado en 2007 ou con previsión de edición no 2008, caso da cantante Uxía, que adianta o tema ‘As nosas cores' do se novo disco aínda sen publicar.
Tamén compila os traballos de Deluxe ‘Tendremos que esperar', de Iván Ferreiro ‘Extrema pobreza', de The Homens ‘Calamar', de Triángulo de amor bizarro ‘El fantasma de la transición', de Nadadora ‘Todo o mundo protesta', de Fanny e Alexander ‘Amei-te tanto', de Nao ‘Desexos', de Loretta Martín ‘As cores do solpor', de Reyes del KO ‘El beat de mi corazón', de Moondogs Blues Party ‘Childhood Soul', de Silvia Penide ‘Reventaba', de Budiño ‘Inmaterial', de Narf ‘Galician Lullaby', de Abe Rábade ‘Eses', de Kin García ‘Home Falcon' e de Leo Giannetto Jazz Project de 'Bring on the Night'.
Ao longo de 2008 a Consellaría de Cultura instalará stands oficiais da música galega noutras feiras especializadas, como a Popkomm de Berlín e Womex de Sevilla.