Vieiros

Desde a secretaría de Emprego do Sindicato Nacional de Comisións Obreiras de Galicia (CC OO) vense "con fonda preocupación" os últimos datos do paro, subliñando que o desemprego en Galiza "aumentou en xaneiro por sexto mes consecutivo". Tamén se destaca que un dos problemas máis graves do mercado laboral galego segue sendo a elevada porcentaxe de mulleres desempregadas (o 61,97%), ao tempo só asinaron o 39,11% dos contratos indefinidos.

Advirten tamén desde Comisións que en canto a contratación, en xaneiro só o 13,5% do total de contratos foron indefinidos, apenas un punto por riba da media estatal. Así, se ben entre decembro e xaneiro o número de contratos rexistrados aumento nun 35%, dez puntos máis que a media estatal, mirando os datos conxuntos dos últimos doce meses compróbase que houbo unha diminución do 8,11%, o dobre que no resto do Estado, onde descenderon un 4,3%.