Vieiros

Vieiros de meu Perfil


Edición xeral

RSS de Edición xeral
O 39% do total estatal

Galiza á cabeza nas axudas de alugueiro para emancipación

A Consellaría de Vivenda aprobou dende principios de ano 731 axudas dentro do programa de Renda Básica de Emancipación.

Redacción - 17:50 06/02/2008
Flickr: alfonso benayas'

Flickr: alfonso benayas'

A consellaría que dirixe Teresa Táboas aprobou dende a posta en marcha do programa da Renda Básica de Emancipación (RBE) o 2 de xaneiro, un total de 731 axudas, o que supón o 39 por cento do total estatal, situándoa á cabeza co maior número de concesións, e que supoñen unha subvención media de 187,35 euros.

Dende a presentación da RBE Vivenda ten un prazo de dous meses para aprobar ou desestimar as solicitudes, polo de agora, atendéronse a un total de 14.226 persoas, das cales 4.005 formalizaron a solicitude de axuda. De estas solicitudes, xa foron concedidas 731, das cales 122 son provisionais xa están a expensas de aportar un contrato de alugueiro. A consellaría xa remitiu ao Ministerio de Vivenda, encargado de efectuar os pagos das subvencións, un total de 575 expedientes.

A Renda Básica de Emancipación vai dirixida a mozos de entre 22 e 30 anos de idade con ingresos que non superen os 22.000 euros brutos anuais e cunha contía máxima de alugueiro de 210 euros mensuais durante catro anos. Os interesados poden recoller información nas sete principais cidades galegas e na web da consellaría.

Máis axudas para o alugueiro

A Consellaría de Vivenda e Solo conta tamén cun Programa de Vivenda en Aluguer dirixido a aquelas persoas que non superen os 15.000 euros anuais independentemente da idade. Esta axuda non é compatíbel coa anterior, e ten como obxectivo que os inquilinos non destinen máis do 30 por cento dos seus ingresos ao pago dun aluguer.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: