A ONU constata que a fenda dixital se reduce no mundo grazas á internet e aos móbiles
As diferenzas seguen a ser, non obstante, moi grandes entre os países en desenvolvemento e os desenvolvidos.
Un informe das Nacións Unidas constata que a fenda dixital entre os países ricos e os pobres estase a estreitar a medida que se estende o uso da telefonía móbil e da internet. Porén, a distancia entre os dous mundos segue a ser enorme.
Segundo a Conferencia das Nacións Unidas sobre Comercio e Desenvolvemento (UNCTAD), os usuarios de teléfonos móbiles case se triplicaron nos últimos cinco anos nos países en desenvolvemento, que agora concentran o 58 por cento dos usuarios do mundo. O informe sinala que en África, onde se produciu o incremento meirande, a tecnoloxía pode axudar a mellorar a vida económica da poboación. Así, salienta que os móbiles son a principal ferramenta de comunicación para as pequenas empresas, pois reducen custos e o tempo das transaccións.
O uso da internet e a súa penetración medran en todo o mundo, aínda que os países desenvolvidos seguen a contar coa maioría dos usuarios e teñen as taxas máis altas de penetración. En 2002, segundo di o informe, a dispoñibilidade da rede nos países desenvolvidos era 10 veces máis alta ca nos países en vías de desenvolvemento. No ano 2006, a diferenza pasou a ser de 6 contra 1. No entanto, aumentou a fenda en termos de uso da banda larga dende 2002.
Segundo a UNCTAD, aínda que a revolución das tecnoloxías da información e da comunicación xa se está a estender ao mundo en desenvolvemento, queda moito por facer para que os países máis pobres poidan sentar as bases para o seu crecemento. Máis investimento en capital humano e en infraestruturas e unha mellor regulación do ciberespazo son algunhas das recomendacións das Nacións Unidas.
Comentarios (1)
Que bo verdade. Se moi bo para a maioría. Pero moi malo para unha minoría de poderosos que pretenden manter ao pobo na escuridade ou desinformados da súa realidade e moito mais a da súa contorna.
Afortunados ditadores como Hitler, Franco, Stalin e outros tantos dignos de ser nomeados pola súa maldade. Eles non puideron ter ese marabilloso contendente que é o internet. Hoxe en día téñeno máis difícil, a pesar que non lles treme o pulso á hora de utilizar este recurso para expor os seus puntos de vista. Pero permitir que o seu pobo acceda totalmente a esa información. “NUNCA”.
Patético exemplo respecto diso deu o Presidente do Parlamento Cubano, Ricardo Alarcón de Quesada, cando un estudante de informática preguntáballe os motivos polos cales un Cubano non pode acceder a certos tipos de establecementos comerciais na illa ou simplemente, porque un cubano non pode viaxar onde déalle a gana e cando lle dea a gana?.
Daba pena allea ver as estupideces e medias verdades que o pobre Alarcón aducía como respostas. Era evidente, que nesta oportunidade fallo o protocolo e como sempre non foi enchida a sala con militantes comprometidos e os xornalistas ou intelectuais tarifados de sempre. Triste destino terá o rapaz que se atreveu a cuestionar ao Sr. Alarcón, seguro algún dos espontáneos e totalmente independentes de goberno “círculos da defensa da revolución” encargásense de aconsellar ao mozo dos inconvenientes dalgunhas preguntas e moito máis cando hai cámaras doutros países tomando imaxes e palabras. Eles daranlle razóns CONTUNDENTES para que non se lle ocorra volver cuestionar ao goberno Cubano.
Cousas similares se ven en Venezuela cando o goberno ROBOLUCIONARIO do Comediante en Xefe Hugo Rafael Chávez Frías, Nacionaliza a CANTV para ter o control do principal provedor de servizo de internet e transformouna nun operador político en detrimento de a calidade do servizo. Neste momento aínda temos acceso libre a todas os servizos de internet. Pero de ser necesario non o pensase 2 veces á hora de controlar este medio. Como o fixo co espectro radioeléctrico onde posúe decenas de radios e 6 canles de televisión gobernamentais de sinal aberto para difundir só o seu punto de vista e non teñen acceso o resto dos operadores politicos do país. Isto sen contar as continuas transmisións en cadea que obrigan aos poucos medios disidentes a transmitir cousas tan aberrantes como sinalar que consumir coca é bo e que o seu amigo Evo mándalle PASTA e folla de coca para o seu consumo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto