Edición xeral
Sobre o Holocausto
O voceiro dos nacionalistas no Parlamento, envíanos un artigo no que explica a polémica suscitada polo posicionamento do BNG a respecto do conflito árabe-israelí.
Ofrecémoslles o texto íntegro de Carlos Aymerich:
"Sobre o Holocausto
A lembranza do horror dos campos de exterminio nazis e a perseguizón de quen, baixo calquer pretexto, tente negar a súa realidade histórica ou minimizar as súas consecuencias converteuse nun consenso básico, nun verdadeiro sinal de civilización. O carácter industrial e planificado do exterminio, a súa dimensión, a posta da racionalidade burocrática ao servizo dunha empesa xenocida xunto, sen dúbida, co feito de que se impulsase en Europa e contra europeos por un Estado, o alemán, portador dunha longa e abastada tradición cultural caracterizan o exterminio nazi - principalmente de xudeus, mais tamén de ciganos, soldados e civís dos países ocupados, antifascistas, homosexuais, etc. - frente a outros como, por só citarmos algúns, o que padeceron os armenios, os pobos indíxenas de América ou de África ou, máis recentemente, o pobo cambodiano.
Por esa razón o 1 de Novembro de 2005 a Asamblea Xeral da ONU acordou declarar o 27 de Xaneiro, data da libertazón de Auchswitz, como Día Mundial de Lembranza das Vítimas do Holocausto. Trátase, como a Resolución estabelece, de lle ensinar ás novas xeracións as licións do Holocausto co fin de “axudar a previr actos de xenocidio no futuro”, de rexeitar calquera negación do Holocausto como feito histórico ao tempo que se condea “sen reservas todas as manifestacións de intolerancia religiosa, incitación, acoso ou violencia contra as persoas ou comunidades baseadas na orixe étnica ou as crenzas religiosas en calquera lugar en que se produzan”. Sabiamente, pois, a ONU evitou facer con esta Resolución un acto particularista ou de simples arqueoloxía histórica. Ben ao contrario: o Holocausto é lembrado como exemplo de negación masiva dos dereitos humanos da que se poden – e se deben – tirar ensinanzas de alcanzo universal. Porque, como lembra a Exposición de Motivos citando a Declaración Universal de Dereitos Humanos, estes pertencen a todas as persoas “sen facer distinción algunha por motivos de raza, relixión ou de ningunha outra índole”.
Xa que logo, á luz da Resolución da Asemblea Xeral da ONU, non só non é inconveniente senón que mesmo resulta obrigado lembrar na conmemoración do Holocausto episodios actuais de negación masiva dos dereitos humanos, sen que tal supoña estabelecer equiparación ou comparación algunha. En Xaneiro de 2008, en plena crise humanitaria en Gaza, sería entendíbel que a conmemoración do Holocausto calase sobre situación deses case dous millóns de homes e de mulleres cercados militarmente? Penso que non. Por iso no curso da Deputación Permanente do Parlamento de Galiza celebrada o pasado 23 de Xaneiro o BNG propuxo aos outros grupos parlamentares a adopción dunha declaración institucional nos termos que seguen, os que xulgamos máis acordes coa Resolución da ONU:
“A 63 anos da fin da Segunda Guerra Mundial, o Parlamento de Galiza quer lembrar ás vítimas da barbarie nazi. Foron millóns os homes e mulleres asasinados por razón da súa etnia, relixión ou ideoloxía, dun xeito industrial e planificado, polo nazismo alemán e os seus colaboradores. Através da presente declaración pretendemos evitar o esquecemento destes crimes e previr á cidadanía galega contra aqueles que seguen a negar a súa realidade histórica ou a minimizar as súas consecuencias
Os horrores da guerra e, en particular, os dos campos de exterminio están sen dúbida na raíz da Declaración Universal de Dereitos aprobada pola ONU en 1948. É por iso que neste seu 60º aniversario o Parlamento de Galiza reivindica a súa plena vixencia denunciando sen paliativos situacións que, como a blocaxe que sofre a franxa de Gaza ou o muro de separación que está a construir o Estado de Israel como parte da ocupación militar da terra de Palestina, supoñen unha conculcación non só da legalidade internacional mais tamén dos dereitos inviolábeis que pertencen a todas as persoas e a todos os pobos”.
Este foi o único texto proposto mais, infelizmente, PP e PSOE negáronse nin tan sequer a discutilo. Uns porque non querían incomodar ao Estado de Israel. Outros porque non entendían necesario aprobar unha nova declaración cando o Holocausto xa fora lembrado o ano anterior.
Remato. Nunha conferencia pronunciada nos Estados Unidos hai cinco anos, Desmond Tutu, declarárase fondamente abalado tras dunha visita realizada á por el denominada Terra Santa: “lembroume o que aconteceu con nós, os negros en Suláfrica. Vivín a humillación dos palestinos nos postos de control e nos reténs de estrada: os palestinos padecen coma nós cando os policías brancos nos impedían ir dun sitio a outro”. O prelado anglicano ainda engadíu que “Israel nunca será un país seguro se non deixa de oprimir a outro pobo” ao tempo que criticou que nos Estados Unidos todo o que critique a política israelí sexa considerado “antisemita”. Cumpre lembrar que Desmond Tutu non só foi galardoado en 1984 co premio Nobel da Paz pola súa luita contra o réxime racista sulafricano senón que é patrocinador no seu país dun centro de conmemoración do holocausto. Quizais por iso considera incomprensíbel que sexa precisamente Tel Aviv quen leva adiante tal política de represión.
En varios sentidos, estas palabras do bispo africano resultaron proféticas: cinco anos despois daquel discurso, en outubro de 2007, a Universidade de Saint Thomas de Minnesota cancelou a conferencia que o Sr. Tutu tiña previsto pronunciar na primavera de 2008 a causa das súas declaracións “contra a política israelí”. Poucos meses antes, en Marzo de 2007 John Dugard, relator de dereitos humanos da ONU para os territorios ocupados, acusara a Israel de aplicar en Gaza e Cisxordania “práticas proprias do colonialismo e do apartheid”. Que cadaquén tire as súas proprias conclusións.
Comentarios (30)
A postura do embaixador israelí foi improcedente a todas luces. A do BNG coherente e oportuna.
Excelente o de Aimerich, o embaixador ese do estado terrorista de Israel que tome nota e que se meta nos seus asuntos, ao igual que a Rahola.
Gómez-Valadés fóra do BNG xa!!
O máis indignante é que quen quixeron facer unha caza de bruxas contra o BNG sobre este tema son precisamente os herdeiros políticos da manifestación do nazismo no Estado español.
Inteligente jogada do BNG para fazer-se com o voto muçulmano. Magoa nom haver voto muçulmano na Galiza.
Nin dúbida: Israel está a conculcar os dereitos básicos de persoas e colectivos. O pobo xudeo debería de aplicarse a historia tanto como eles queren aplicárnola aos demais. Coido que o problema deste pobo é, e non o digo eu, remítome ao texto de Israel Sharek (un militar xudeu xa falecido), Estado judio, religión judía (ed. do Círculo de Lectores), no cal fai unha clara defensa dun Estado laico e no que desvela claramente o fundamentalismo xudeu. A relixión xudía non considera propiamente "humanos" aos non xudeos (os xentiles), e tamén, con certa descarnada desesperanza, acusa aos propios xudeos alemáns de estaren de acordo en formar os guetos, para que xudeos non se mesturasen con eles. Proba disto é, sen dúbida, o que fai o Estado de Israel co pobo palestino.
Por moito poder que teñan, xamais poderán mercar a verdade.
Pena semoncho que non falemos o mesmo idioma,senón ainda debatia contigo a chorrada esa do voto "muçulmano"
O pouco que podo entendr (so entendo galego) di que é unha "jogada inteligente" para facerse cun voto que despois dis que non existe.Comentario complicado de entender entón...
Se foras GALEGO entenderíalo perfectamente pero como,ainda que seguramente naceras aquí, non o queres ser pois non vas a entender nada,cousas da vida.
En canto á postura do BNG pois totalmente coherente e correcta,un 10
Eu pensei que en Galiza os israelís só tiñan seguidores en Eurovisión. Vaia cirio por unha declaración? Cada vez entendo menos...
O de Semoncho é un comentario inzado dunha retranca galega xenial.
Eu sigo pensando que o BNG debeu aprobar esa resolución e propoñer outra, cunha votación separada, verbo da situación de Gaza. Son temas diferentes, deben ter tratamentos diferentes, e a máis que posible negativa do PP a aprobala volvería a deixalos en evidencia.
A argumentación do Sr. Aymerich é sólida, agás polo pequeno detalle de que ademais de Gaza existen moitos e moi variados casos plenamente actuais con iguais (peores é dicir moito) casos de represión. Ligar a condea do Holocausto unicamente á situación de Palestina é forzar demasiado o argumento.
#7 Sim, meu, a parte de perder o idioma galego também perdeste a ironia galega. Tan gallegos como el gallego...magoa!
concordo co mceleiro, #10.
bo artigo, aínda que...
"this song is not dedicated to desmond tutu"
Coincido con Xavo, non podemos vincular ó Holocausto coa situación palestina. Penso que son dúas cousas ben distintas, aínda que nas dúas un dos protagonistas seña xudeu.
Homem sim, agora a culpa da Shoa vai-a ter o BNG por se não vencer às exigências de quem tem uma poderosa aparelho propagandístico ao seu serviço. Entrementes esquecidos vivamos do que alguém tão pouco suspeitoso como Jimmy Cárter tem chamado pelo seu nome no seu último livro, apartheid, e que lhe tem valido a persecução implacável do lobby sionista. Israel sempre teve muito boas relações com a velha sudáfrica.
#12 E também não podemos vincular o sida com foder sem condom, ainda que na fodenda um dos protagonistas seja o caralho.
Penso que a túa comparanza non e correcta, realmente si que podes vincular o sida con foder sen condón.
No caso do Holocausto foi asasinada moita xente (xudea e non xudea) a meirande parte civís, e no caso de Gaza, hai dende civís a soldados. De tódolos xeitos, que está a pasar na Cisxordania? por qué non acontece o mesmo que en Gaza?
Seica hai dous gobernos con xeitos distintos de entender o conflicto palestino, ou acaso alguén pensa que o Estado de Israel vai desaparecer?
Non vexo contradición ningunha entre a primeira e a segunda parte do texto que o BNG propuxo para a súa aprobación no Parlamento Galego. O primeiro parágrafo evoca o inhumano Holocausto no que pereceron millóns de irmáns nosos (polo menos, meus), do xeito máis execrábel. No segundo, estabelécese unha simple analoxía entre dúas situacións similares e igualmente inaceptábeis para calquer persoa que dispoña dunha mínima coherencia moral. É, con todo, verdade que, ao igual que os palestinos, moitos pobos e etnias sofren hoxe no mundo opresión e morte. Eu insiro todas esas vítimas no segundo parágrafo da proposta do BNG. Os "fomentos quentes" da diplomacia produce chocantes desdobramentos de personalidade que leva as mesnadas políticas a esquecer a propia conciencia e a non axudar a quen pide auxilio, polo feito esencial de o momento non ser oportuno.
#7. Home! Mira tu!! Precisamente quando estamos a falar de Holocaustos, fascismos, e demais, vem o UnDeTantos a dizer que "Se foras GALEGO entenderíalo perfectamente pero como,ainda que seguramente naceras aquí, non o queres ser pois non vas a entender nada".
Outro mais a extender certificados de quem é galego e de quem nom é galego, ao puro estilo nacional-socialista. Pois tu, UnDeTantos, mesmo que sejas galego (nom cho vamos negar, porque nom compartimos os teus parâmetros fascistas de pensamento), és retrassado mental de caralho se nom entendes português, que é bem semelhante. Exercita mais a mente.
Non sei se somos pasmóns ao non decatarnos de que non hai ningún debate ideolóxico senón soamente que a dereita quere titulares de prensa sexa coma sexa. Calquera persoa normal do mundo lamenta o Holocausto e solidarízase coas vítimas (os millóns de seres humanos que alí morreron que na súa maioría eran xudíos) pero iso nada ten que ver con defender a un estado que pretende varrer do mapa aos palestinos. A dereita non fala do sionismo (non saben o que é)que é un pensamento racista (hai centos de páxinas de Teodoro Herzl neste senso)que está dentro das mentes dos israelís que pactican a ortodoxia relixiosa. Xa sei por sorte que hai millóns de israelís que non comungan co sionismo pero na práctica os sucesivos gobernos --uns menos e outrso máis-- aplican as receitas desta antidemocrática corrente doctrinaria. Neste momento Israel está apretando --matando civís palestinos-- antes do cambio en USA porque sexa quen sexa o alugueiro da Casa Branca poñerá un pouco de freo aos terroristas asasinos e covardes que se agochan nun carro blindado dun millón de euros para que as pedras dos nenos palestinos non lle cheguen. Aymerich moi ben (é un deputado culto e informado)
A min paréceme errada a postura do BNG. Moi mal, vamos. É unha falta de respeito ás vítimas do Holocausto ligar á situación de Gaza. Poderían ter proposto tres declaracións: unha para condenar o Holocauto, outra para condenar a situación de Gaza e outra para condenar a expulsión dos xudeus polos Reis Catódicos, digo Católicos.
Excelente, Carlos, para alguns que nom consideram adequado ligar o problema de Gaza ao assunto (há outros casos, etc.) lembrar-lhes apenas a sangrenta actualidade da situaçom em Gaza nos momentos em que se apresentou a resoluçom. Lim por cima algum comentário a falar de ironia; nom vou a entrar nisso porque como digo nom me parei muito mas si dizer que perantes certas situaçons límites a ironia está fora de lugar
#11, levas toda a razom, e eu aínda diria mais:
"Nelson Mandela / está entre rejas / y han concedido el premio Nobel de la paz / a... Desmond Tutu / ah ah ah ah ah ah aaah / Desmond Tutu"
;-) Kortatu!! Oi, oi, oi!!
O mais engraçado do caso é que os que erguem o dedo índex acusador são mormente os filhos ou netos, enfim, os herdeiros políticos, quando não carnais, dos que foram ¡os aliados de Hitler! O cunhado de Franco berrava em Madrid: Rússia é culpável!, e o ditador prometia: Um milhão de baionetas espanholas impediram o avanço do exercito vermelho sobre Berlim! Tudo seja dito, os sionistas na época da guerra, e já antes, sabiam perfeitamente que o que estava a ocorrer na Europa não apenas desde 1942, mas desde 1933, vinha-lhes a calhar para a cumprimento dos seus planos, e há documentos que assinalam a responsabilidade que lhes cabe a estes dirigentes neste sentido, como também há-os no que atinge à Igreja católica, às igrejas protestantes e aos governos das democracias apaziguadoras.
"Arzaia" a postura errada é a túa, non á do BNG, se facemos coma ti temos que condear o franquismo, a revolución do 34, a guerra civil, a guerra do Rif, etc.
Onde está a falta de respecto? En ningún sitio. Ben por Aimerich e moi ben polo BNG.
Cómo se pode pensar que partindo da realidade da presentación, coincidente nas datas sinaladas pola ONU, (por unha organización pro-sionista) de unha declaración de condena do Holocausto XUDEU(que máis alá de sí misma, favorece interesada e obxectivamente o €stado U$$rael) podería calquera, mesmo bng, presentar á vez outro texto complementar de condena ó papel de U$$ra€l en Palestina?
O resultado é -sería, sen ningún xénero de dúbida- que mentres ti COLABORACHES nos intereses do Sionismo Internacional, os pepesoes gárdanse moi moitísimo de se meter cos seus protexidos maiores na orde de preferencia protectora do Imperialismo.
Eles están sendo arroupadísimos polo capitalismo subimperialista da mediaeuropa da U€ e, marine de primeira fila, polo moratín ministro de exteriores e mesmo toda a cúpula políticoempresarial.
No parlamentiño non habería millor xogada para a contra que non ter feito o que ben fixo, segundo as circunstancias sinaladas, o bng.
(resposta a ranciadas). Desde logo todos eses actos violentos son condenables, pero ningún tén parangón co Holocausto. Os xudeus, os comunistas soviéticos, a resistencia europea, os EE UU, todos teñen en común terse enfrentado ao expansionismo hitleriano. Unha das maiores barbaridades do nazismo foi a matanza de determinados grupos étnicos. Non sei qué hai que dubidar para asinar unha condena, salvo que se bote de menos o acordo Stalin-Hitler. Se se condena o de Gaza e non se condenan os atentados palestinos o BNG toma partido nun asunto externo. Se é así a embaixada israelí está no seu dereito a responder. Esta cuestión non tén nada que ver con Galiza. É estúpido por parte do BNG mover este tema antes das eleccións e non favorece para nada o afán de verse como partido moderado. É absolutamente decepcionante esta deriva.
O "holocausto" palestino em cifras.
Evoluçom da populaçom de Gaza e Cisjordânia nos últimos anos (em milhões):
1990 2000 2003
Gaza 0'643 1,132 1,275
Cisjordánia 1'255 2,020 2,237
(Tirado de http://www.census.gov/prod/200...
Isto sem incluir os 1'3 milhões de árabes cidadaos israelitas.
Como mostrei na mensagem anterior nom existe um "holocausto" palestiniano. Existe si umha situaçom injusta, que merece ser condenada, mas sem misturar alhos com bugalhos.
Por outro lado nom sei que teima tem o BNG com o assunto palestiniano. É um problema complexo, que fica muito longe da Galiza, que nom tem a mais mínima capacidade para ajudar a solucionar, e do qual dificilmente vai tirar benefícios políticos, senom mais bem perdas.
Unha corrección ó texto de Aymerich que é descoñecida -tamén para ele, polo que escrebe- e que resulta reventar en mil anacos o lugar común da Cambodia dos kmeres vermellos.
Datos citados por James Petras no seu "Holocaustos do século XX", do ano 2006, que toma do CENTER FOR GENOCIDE STUDIES, da Universidade de YALE.
AVIACIÓN USAMERICANA EN CAMBODIA
Durante DEZ ANOS (1965/75)
231.000 INCURSIÓNS
2,75 MILLÓNS DE TM. DE MUNICIÓNS
BOMBARDEADAS 115.000 POSICIÓNS das que 13.000 ERAN ALDEIAS
Só con imaxinalo xa se ve que a población tiña que TRASLADARSE CONSTANTEMENTE para non ser víctimas da acción XENOCIDA imperialista.
**
O medre da población palestiniana non pode ser xamáis un índice indicativo de que os OCUPANTES non matan un nº abondo para facer diminuir a población.
Fácilmente se poden atopar datos sobre as víctimas palestinianas nestes XA 60 anos, que sí indican en qué sentido UNHA MATANZA PERPRETADA DESDE HAI TANTO TEMPO está a acadar CIFRAS INORMES DE PERSONAS PALESTINAS ASASINADAS i ENCARCERADAS, sin distinción entre vellos, crianzas e mesmo mulleres TODAS PALESTINIANAS.
Pilar Rahola utiliza contra o BNG os mesmos argumentos que utiliza o Estado Español para desacreditar á esquerda abertzale. Non condenar cando eles digan e o que eles digan.
Unha cousa é estar contra o xenocidio e outra aliñarse con quen practican outro tipo de horror e de xenocidio. Actualmente Israel e mais USA.
Non é que o BNG non condene o holocausto, é que non se quere aliñar cos actuais asasinos, xa que este non é nin o momento oportuno nin o lugar oportuno.
Así que Pilariña que non mexe fora do testo. E mire ben con quen se fai a foto que se cadra a que se está aliñando coa extrema dereita é ela.
Que che chame fascista un pepero ou un banderillero, ata se agradece, pero doe que cho chame unha persoa que se considera de esquerdas e nacionalista.
Cales son os amigos de Pilar, o trío das Azores?
Para ecoe:
1º) Assassinada e encarcerada nom é o mesmo.
2º) Os nazis exterminárom a uns 6 milhões de judeus (e também muita outra gente), que representava o 65% da populaçom judia na Europa.
Ou seja nuns 7 anos, entre 1938 e 1945, a populaçom judia europeia passou duns 9 milhões a uns 3 milhões (realmente menos já que bastantes deles fugírom para a América). Entretanto a populaçom palestiniana nom deixou de aumentar desde o aparecimento do estado de Israel. Isto nom significa que os palestinianos seja bem tratados, mas significa que a sua situaçom nom é comparável com o holocausto.
Caro Aymerich,
Infelizmente sempre se podem arranjar desculpas para estar ao lado de Fidel Castro, de Chavez, de Irán e de toda quanto populista, dictador ou similares haja no mundo, isso si, sempre que seja de esquerdas e/ou anti-americano.Parecedes os do PP quando de condenar o franquismo se trata, sempre arranjam umha desculpa para nom o fazer.
A nom condena do Holocausto é mais um exemplo de que o Bloco nom se acaba de modernizar e continuam a ser detectáveis sintomas claros de esquerdismo antisistema. O holocausto é algo tam arrepiante que o mero feito de se atrever a introduzir umha engádega já cheira mal. Tinhades que ter votado essa resoluçom e depois, se o consideradares oportuno, apresentar outra para o caso palestiniano mas nunca condicionar umha condena do holocausto, isto é algo incondicionável para um democrata. Mas o marxismo-leninismo quase estalinista do que bebedes nom é um exemplo de democracia eis outra prova.
A menssagem nom explicitada é: que os judeus nom se queixem tanto que o que estám a fazer eles agora bem lhe chega. E isto é inadmisível.
Enfim, o mesmo dilema de sempre, votar a Olaia ou nom votar a ninguém.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto