Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Comeza o 18 de febreiro

O Sinsal 6.0 enche Vigo de ritmos brasileiros e africanos

Nesta sexta edición o festival conta tamén coa presencia dos míticos Young Marble Giants, consolidándose como evento de referencia na música avanzada en Galiza.

Redacción - 11:55 13/02/2008
O trío italiano Zu

O trío italiano Zu

Comeza a sexta edición do festival Sinsal, e faino cun completo programa que conta con representación galesa, brasileira e congolesa. O 18 de febreiro darán comezo os concertos da estación de inverno, coa actuación no teatro Caixanova de Kassin+2, o proxecto que Moreno Veloso comparte cos músicos cariocas Domenico Lancellotti e Alexandre Kassin, onde revisan a tradición musical do seu país.

Os concertos continúan no MARCO coa actuación dos italianos Zu o 16 de abril. Con dez discos ás súas costas este tío instrumentista segue a investigar nas fronteiras entre o rock e o free jazz. Mais o concerto máis esperado chega en maio, o 29 o auditorio de Caixanova acollerá o regreso aos escenarios dos Young Marble Giants trinta anos despois de sacar ao mercado o seu disco Colossal Youth, reeditado en 2007 como pretexto para reunir aos seus membros. Aquí podemos velos co seu Brand New Life:



Por último, a edición de inverno deste festival ten programado o concerto dos africanos Konono No.1 o 28 de xuño no Centro Cultural Caixanova, ao que poderán asistir unhas 1.200 persoas. Este grupo xa cativou á islandesa Björk, que contou coa súa colaboración para gravar un tema do seu último disco. O proxecto de Konono No.1, vai máis alá dos tópicos da música africana, e obteñen música con métodos puramente artesanais, empregando ferralla ou vellos altofalantes, os congoleses electrifican os sons da etnia bazombo para combater o ruído das rúas de Kinxasa.

Tamén en Compostela

A extensión compostelá do Sinsal supón un incremento da calidade do festival, que se está a acadar significación ao longo de toda Galiza e que traerán ao Teatro Principal a artistas coo Michael Gira, Fabrizio Modonese (r) ou Baby Dee ou O Fillo Pausado.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Kassin+2 inauguran a estación de inverno
Kassin+2 inauguran a estación de inverno
Konono No.1, a música africana fóra dos tópicos
Konono No.1, a música africana fóra dos tópicos
Os Young Marble Giants actuarán o 29 de maio
Os Young Marble Giants actuarán o 29 de maio