Edición xeral
O PP rebenta o goberno de Santa Comba e dálle a alcaldía a un tránsfuga
Nove meses despois dos comicios locais, o alcalde socialista Xosé Antón Ucha perde o bastón de mando.
O voto de sete concelleiros do PPdeG e de dous tránsfugas de Independentes por Santa Comba tumbou o feble goberno do socialista Xosé Antón Ucha. Nun pleno moi tenso, ao que acudiron centos de veciños do municipio que apoiaban ao executivo, os promotores da moción xustificaron a iniciativa polo “desgoberno” da política local.
A corporación local estaba composta por 8 concelleiros do PPdeG, 4 de Independentes por Santa Comba, 3 de Terra de Xallas e dous do PSdeG. En xuño do ano pasado Ucha conseguiu a alcaldía logo de que os populares non conseguiran o apoio de ningunha formación. Agora os dous tránsfugas independentes posibilitaron o relevo de alcalde e os conservadores están dispostos a facilitarlle a alcaldía a un deles: Miguel Pérez Fernández.
Queima de sinaturas
A número dous do PPdeG, María Xosé Ares, non apoiou a moción por “dignidade” xa que pensa que hai intereses escuros detrás da mesma. Numerosos axentes da Garda Civil estiveron presentes no interior e no exterior do recinto deportivo no que se celebraba o pleno, aínda que non houbo que resaltar incidentes serios.
Pola súa parte, os veciños que se concentraban no exterior decidiron queimar as máis de 3.000 sinaturas que recolleran contra a moción. Segundo sinalaron, non querían que o novo goberno tivese acceso aos nomes dos veciños por temor a represalias.
O municipio, que é capital da comarca do Xallas, conta con preto de 11 mil habitantes. A moción é a primeira que prospera no país logo dos comicios do ano pasado.
Comentarios (10)
Isto que é uma venda de votos antecipada? Boas "estratégias" que têm estes tangallegos...
Alguén sabe se os independentes son unha escisión do PP ou dalgún outro partido?
Non perdíu Ucha, nin o PP, nin o Psoe nin os independentes.
Perderon os Xalleiros
Menud@s covardes @s veciñ@s que queimaron as 3.000 sinaturas, o que tamén evidencia que a pesar de que teóricamente hai máis de 30 anos que morreu o caudillo, a xente ainda ten medo de ser represaliados polos governantes, se cadra porque morreu o can pero non a rabia, e así, non hai democrácia. Un aplauso a número dous do PPdeG, María Xosé Ares.
Vaya, cuando es el PSOE el que pierde el poder, entonces el pleno se "revienta". Cuando es al revés, el pueblo expresa su voluntad.
Respecto a las firmas, lo que sucede es que igual no había 3.000 firmas, ni 300, ni 30...vamos, que no había nada de nada. Y antes de que se pudiera comprobar, ¡qué mejor que eliminar las pruebas!
Por otro lado, piensa el ladrón (los promotores de las firmas) que todos son de su condición...
Igual son coma as sinaturas que recolleron os sicarios da Lago e mai-lo Pousada 50000 ou serían 500 recollidas en castela.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto