Vieiros

Vieiros de meu Perfil


Edición xeral

RSS de Edición xeral
Proxecto solidario

Máis de 200 locais de ocio participan na novena "Noite Solidaria"

Os estabelecementos doarán 0,20 euros por cada consumición en favor dun proxecto de desenvolvemento en Bolivia ao tempo que achega os mozos á cooperación internacional.

Redacción - 17:21 05/04/2008

A ONGD Solidariedade Internacional de Galiza, organiza por noveno ano consecutivo a "Noite Solidaria". Unha proposta que, grazas á colaboración dos locais de ocio dos diferentes concellos galegos, trata de involucrar á xente nova no mundo da cooperación internacional. Comeza este sábado 3 en A Coruña, Vilagarcía, Ourense, Pontevedra e Ferrol e seguirá en Compostela o xoves 10 para rematar nos meses de maio e xuño en Portonovo, Cangas e Vigo.

A través desta proposta, que tamén conta co apoio de Cooperación Galega e da Secretaría Xeral de Política Lingüística, os estabelecementos participantes destinarán 0,20 euros de cada consumición, sen incrementar o seu prezo, para o financiamento dun proxecto de cooperación internacional. Nesta ocasión os fondos acadados están destinados a un proxecto de mellora da produción agrícola que Solidariedade Internacional de Galiza está a levar a cabo no municipio de Sorata, en Bolivia.

A iniciativa ten como finalidade colaborar para tratar de atallar os problemas que afectan a este municipio situado na rexión atlántica, ameazado por unha grande desnutrición causada por unha produción agrícola de subsistencia e o deterioro do medio polo uso irracional dos recursos naturais.

Calendario:

Ferrol, A Coruña, Vilagarcía, Pontevedra e Ourense
: sábado 5 de abril.
Compostela: xoves 10 de abril.
Portonovo, Cangas e Vigo: nos meses de maio e xuño.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: