Vieiros

Vieiros de meu Perfil


Edición xeral

RSS de Edición xeral
Mantense a convocatoria de asemblea do 10 de maio

Esquerda Nacionalista-Mocidade cualifica de "ilegal e ilexítimo" o novo liderado de EN

As mocidades do grupo celebran unha xornada de formación este sábado e desmárcanse da "suposta dirección" electa o pasado domingo.

Redacción - 11:32 05/04/2008
Organizan as xornadas "Construíndo nación, transformando a sociedade"

Organizan as xornadas "Construíndo nación, transformando a sociedade"

"Esquerda Nacionalista-Mocidade xa non ten nada que ver nin con Alberte Xullo Rodríguez Feixoo, nin con Xosé Chorén nin con Xoán Rama Trillo ni co resto de compoñentes dunha dirección ilegal e ilexítima", explican desde a formación nun comunicado. O actual voceiro nacional do colectivo, Paulo Carlos López, explica que se desvencellan organicamente da "suposta" dirección electa o domingo pasado e que Esquerda Nacionalista-Mocidade "non renderá ningún tipo de contas políticas".

Ao tempo que manteñen a convocatoria de asemblea nacional de Esquerda Nacionalista para o próximo 10 de maio, aseguran ser "lexítimos propietarios das siglas", malia que non descartan evitar o tirapuxa por elas e optar por unha refundación cara á creación dun "espazo aberto e unificador do socialismo democrático galego, leal e construtivo co BNG". "O 10 de maio decidiremos entre todos e todas o que queremos facer, reformularemos o noso proxecto, faremos un esforzo colexiado, porque coa nosa achega conseguiremos un BNG forte, participado, soberanista, de esquerdas, e con maiores cotas de expansión na sociedade", sosteñen.

Por outro lado, Esquerda Nacionalista-Mocidade organizou para esta fin de semana unhas xornadas de formación en Betanzos, baixo o título "Construíndo nación, transformando a sociedade". Participarán entre outros Xosé Manuel Beiras e Xabier Macías, cun relatorio titulado Altermundo, abaixo á esquerda está o corazón; Xoán Carlos Bascuas, quen falará baixo o título "O nacionalismo e a política de vivenda", e Vítor Meizoso, Xabier López e Abel López Soto, no espazo "Políticas sociais e de benestar nos concellos, facendo nación".


4.55/5 (22 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: