Edición xeral
Esquerda Nacionalista-Mocidade cualifica de "ilegal e ilexítimo" o novo liderado de EN
As mocidades do grupo celebran unha xornada de formación este sábado e desmárcanse da "suposta dirección" electa o pasado domingo.
Organizan as xornadas "Construíndo nación, transformando a sociedade"
"Esquerda Nacionalista-Mocidade xa non ten nada que ver nin con Alberte Xullo Rodríguez Feixoo, nin con Xosé Chorén nin con Xoán Rama Trillo ni co resto de compoñentes dunha dirección ilegal e ilexítima", explican desde a formación nun comunicado. O actual voceiro nacional do colectivo, Paulo Carlos López, explica que se desvencellan organicamente da "suposta" dirección electa o domingo pasado e que Esquerda Nacionalista-Mocidade "non renderá ningún tipo de contas políticas".
Ao tempo que manteñen a convocatoria de asemblea nacional de Esquerda Nacionalista para o próximo 10 de maio, aseguran ser "lexítimos propietarios das siglas", malia que non descartan evitar o tirapuxa por elas e optar por unha refundación cara á creación dun "espazo aberto e unificador do socialismo democrático galego, leal e construtivo co BNG". "O 10 de maio decidiremos entre todos e todas o que queremos facer, reformularemos o noso proxecto, faremos un esforzo colexiado, porque coa nosa achega conseguiremos un BNG forte, participado, soberanista, de esquerdas, e con maiores cotas de expansión na sociedade", sosteñen.
Por outro lado, Esquerda Nacionalista-Mocidade organizou para esta fin de semana unhas xornadas de formación en Betanzos, baixo o título "Construíndo nación, transformando a sociedade". Participarán entre outros Xosé Manuel Beiras e Xabier Macías, cun relatorio titulado Altermundo, abaixo á esquerda está o corazón; Xoán Carlos Bascuas, quen falará baixo o título "O nacionalismo e a política de vivenda", e Vítor Meizoso, Xabier López e Abel López Soto, no espazo "Políticas sociais e de benestar nos concellos, facendo nación".
Comentarios (4)
"Esquerda Nacionalista-Mocidade xa non ten nada que ver nin con Alberte Xullo Rodríguez Feixoo, nin con Xosé Chorén nin con Xoán Rama Trillo ni co resto de compoñentes dunha dirección ilegal e ilexítima", Ben, eu non me meto na vida interna de EN, pero supoño que como membros do BNG que son as persoas de ambos sectores de EN teñen moito que ver uns cos outros. Un pouco de sentidiño no que se di, porque pode semellar que fosen contrincantes políticos.
Os liderados e os postinhos. Isso é o único que preocupa dentro do BNG. Há este tipo de disputas e guerras internas polos cárregos, mas não polas políticas a fazer. As assambleias são para partir a torta, não para marcar objectivos, programas, e iniciativas.
Sem rumo andam. E todos nos fodemos, porque no entanto está-se a perder oportunidades históricas de sacar a este país da merda e o absurdo.
Merda para todos! vos seguide pelexando entre vos, estamos perdendo unha oportunidade histórica de facer un pais forte, de consolidar a nosa identidade como galegos para sempre. Este é un obxetivo común entre todo o nacionalismo, como pode ser que haxa disputas???
Só dicirvos unha cousa para que poñades os pes na terra. O BNG é o grupo minoritario no parlamento galego. EN é minoritario dentro do BNG. E INDA POR RIBA HAI DISPUTAS.
Isto debe ser moi galego, cantas aldeas hai con dous veciños soamente e que non se falan entre eles.
Por favor, polo ben de todos, deixade de facer o parvo
Precisamente porque se quere construir um BNG forte é que hâ umha escissom dentro de EN. Simplesmente, porque um coleitivo que quere trabalhar a prol do nacionalismo e da sociedade galega nom podia conviver com persoeiros que o único que faziam era denostar interna e externamente o labor diário do BNG, e que, efectivamente, ficam ai fazendo-se chamar Esquerda Nacionalista, a ver se numha destas metem mais quartos no peto.
Mas "Ai vén o maio de flores cuberto"...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto