Edición xeral
Grupos de gandeiros asaltan camións de leite para protestaren pola baixada de prezos
Os produtores baleiraron tres cisternas de Leite Río que estaban aparcadas en Frades, Silleda e Guntín.
Grupos organizados de labregos asaltaron na mañá deste xoves camións cisterna de leite aparcados nos municipios de Frades, Guntín e Silleda. Na acción, os produtores envorcaron 50.000 litros de leite como xeito de protestar pola baixada de prezos que están a sufrir.
Os tres vehículos eran propiedade da empresa Leite Río. Segundo as primeiras informacións, os gandeiros, coas caras cubertas, actuaron en grupos de entre 15 e 20 persoas. Nos camións pintaron o adxectivo “ladróns”.
As accións contra a empresa luguesa teñen lugar logo de que comunicase que tiña previsto reducir 10 céntimos por litro de leite nas facturas do mes de marzo.
Os sindicatos anuncian que a tensión vai ir en aumento (14.15 horas)
Os sindicatos aseguran publicamente que non comparten este tipo de protestas pero matizan que a situación desesperadas de moitas familias está a facer que algúns gandeiros tomen a xustiza pola man. Román Santalla, dirixente de Unións Agrarias, aseguroulle a Vieiros que a situación que viven moitas explotacións é dramática: "a xente responde pola súa conta e non podemos facer nada para controlala". Santalla cargou contra Leite Río á que acusou de querer "meterlle a man no peto" aos gandeiros sen haber ningunha razón de mercado". Este sindicalista considera que o caso é aínda máis grave ao tratarse dunha empresa de capital galego. Por iso, demándalle á Consellaría de Medio Rural que presione á firma para que reconsidere a súa decisión.
Comentarios (7)
Eu non estou dacordo con que se estraguen camións creo na negociación, mais tamén digo unha cousa: o abuso que as empresas fan de moitos labregos é propio do peor caciquismo. Non se pode xogar coas familias como se foran títeres. O campo xa non cala.
a única solución que teñen os gandeiros é comercializar eles directamente o leite e deixarse de caralladas. que entre eles busquen a financiación necesaria e que pechen o círculo: producción, transporte, transformación e venta directa ó cidadán. mentras non o fagan, sempre terán unha espada sobre a cabeza.
O que me parece un escándalo é o silencio dende as instancias políticas galegas. Non me fodan! Antes moito tractor para Lugo e Compotela, e agora? Que pasa? O agro vai a menos e a consolidación da baixada do prezo pon en perigo moitas explotacións mentres o prezo ao consumidor, sube. É de coña! Creo que algo se podería facer politicamente, canto menos mediar, para pór freo a esta situación porque os coñecemos a familias que viven do gando, sabemos que as pasan moi putas. Merecen un respecto, carallo e cando non se lles escoita, o normal é actuar aínda que algúns paparolos seugirán a quedarse co superfluo e non co fondo da historia.
A pergunta é? Ten este colectivo o q merece tras apoiar durante anos a un governo q os vendeu e agora se ven as consecuencias?
Cada un q tire as conclusións, pero á vista están.
eu, fillo de gandeiros e participante nunha destas protestas, non as destes dias, pero si nas de hay algúns. fun eu o que derramou leite nalgures para protestar, a morte coa loita.
se me baixan mais o leite serán as empresas as qeu teran qeu poñer policias nas instalacións, porque ir vamos a rompelas, tirar leite. ese é a solución, o qeu nos rouban fodemosllo nos, pagan pouco, arreglan moito, pagan o xusto, non teñen problema
con franco non pasaba iso, él era o mellor, viva franco, viva España e a morte co fascismo nacional español. arriba españa
#4 pois sim senhor Tino, temos o que nos merecemos; mas não só os gandeiros, não
a GALIZA toda tem o que se merece.
Ou é que nas cidades não se vota ao PP?
Que fácil resolvedes os problemas alguns!
Decataras-te Tino que o teu argumento, analizado desde uma óptica minimamente progresista, é uma imensa falácia.
Forçando, só um bocadinho, o argumento podemos dizer que os escravos tenhem o que se merecem por não se revoltar contra os seus donos, por não falar de aqueles que eram conformes com a sua escravatura.
Agora se tu me dizes que grupo social se tem mostrado mais combativo na Galiza do que os gandeiros nos últimos 20 anos falamos.
Digo na Galiza e digo em todo o agro europeu.
Os irmandinhos foram pioneiros das lutas rurais do começo da Era Moderna, e os labregos galegos fora-no no final do século XX.
E com tudo, isto não foi suficiente para triunfar em ningum dos dois casos.
Mas A LUTA CONTINUA!
(não para ti que já estas de volta de tudo)
Saúdos.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto