Edición xeral
O BNG pide volver ao Grupo Mixto do Congreso
Os dous deputados do Bloque en Madrid, como xa anunciaron, pasarían a compartir grupo con CC, Na-Bai e UPyD.
Como xa anunciara, o BNG solicitou perante a Mesa do Congreso regresar ao grupo mixto, despois de ter favorecido, cos seus dous deputados, que ERC, IU e ICV constituísen grupo de seu. A petición rexistrouse o mércores despois do debate de investidura de Rodríguez Zapatero.
Francisco Jorquera e Olaia Fernández anuncian a súa intención de "formalizar" o abandono do grupo en que se atopan para facer efectiva a súa "integración no Grupo Mixto". O Bloque xa advertira que a súa presenza no grupo de ERC-IU-ICV se debeu a unha cuestión técnica, e non de afinidade ideolóxica.
En canto a Mesa do Congreso admita e acepte a petición, o BNG regresaría ao Grupo Mixto, que compartirá cos deputados de Coalición Canaria, Nafarroa Bai e Unión, Progreso y Democracia.
Novas relacionadas
Comentarios (3)
Eu tampouco o entendo,por afinidade ideolóxica tería que estar no grupo de EU-ERC,aínda que o Bloque non é completamente de esquerdas,tamén ten centro dentro del e parece que cada vez máis, por desgraza.Eu entendo como estratexia para non perder capacidade de falar e participar nas comisións,etc.Quen non ten grupo propio ten moi difícil estar nas comisións pois ten que compartir tempo e repartirse os papeis co resto dos partidos do grupo mixto.E claro,non é igual compartilo con EU ou ERC que ten o mesmo número de deputados que con Coalición Canaria(2),Nafarroa Bai(1)ou UPD(1) aínda que non comparta ideoloxía.Supoño...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto