Vieiros

Vieiros de meu Perfil


Edición xeral

RSS de Edición xeral
DATOS DO PRIMEIRO TRIMESTRE

O tempo medio de espera para unha operación no Sergas aumenta en dous días

Segundo os datos do Sergas, os homes están agardando unha media de 87 días para entrar en quirófano e as mulleres 86.

Redacción - 14:40 02/05/2008

O secretario xeral do Servizo Galego de Saúde, Caetano Rodríguez, deu a coñecer este venres os datos do primeiro trimestre de 2007 sobre as listas de espera na sanidade pública para operarse. O alto cargo de Sanidade recoñeceu que o tempo de espera aumentou en dous días con respecto ao mesmo período do ano pasado. Segundo as estatísticas internas, un varón tarda unha media de 87 días en ser operado e unha muller un día menos.

Rodríguez cre que a demora para operarse aumentou debido a que Semana Santa caeu este ano no primeiro trimestre o que afectou á programación das intervencións. Porén, os membros da Consellaría de Sanidade mostráronse convencidos de que a final de anos darán resultado as medidas postas en marcha pola Xunta para reducir o tempo de agarda para as operacións. Caetano Rodríguez confía que dentro de seis meses ninguén agarde máis de 77 días para pasar polo qurófano.

Poden ver as gráficas comparativas aquí


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: