Vieiros

Por duodécimo ano, a Academia internacional das artes e das ciencias dixitais fixo pública a listaxe de gañadores dos premios Webby, coñecidos como os Oscar da web e, coma eles, centrados fundamentalmente na internet anglosaxoa. En total, distinguíronse 70 categorías con cinco finalistas cada unha, dos que un recibiu o Webby e outro mais o recoñecemento do público.

Aínda que a listaxe é moi longa, pódese salientar o premio recibido polo navegador Flock no apartado de redes sociais, a web de conferencias de persoeiros TED o mellor podcast, o blog PostSecret como a mellor achega artística na rede, National Geographic como mellor revista e Checkland Kindleysides ao mellor deseño estético. En calquera caso, as webs que fan uso da tecnoloxía Flash amosaron un dominio esmagador.