Vieiros

O venres 9 de maio dá comezo en Lugo o ciclo de conferencias Memoria e retos do nacionalismo galego. A partir das 20:30 no local da sociedade cultural Media Leva, os asistentes poderán achegarse máis a este movemento grazas ao relatorio da secretaria de organización do Sindicato Labrego, Lidia Senra, que como non podía ser doutro xeito, falará sobre o "Sindicalismo Galego".

As charlas continuarán todos os venres até o 4 de xullo, con relatorios sobre o feminismo galego, o nacionalismo popular, o sindicalismo obreiro, Galiza, unha periferia no centro, e a vía revolucionaria, con interventores entre os que se atopan Luís Gonçales Blanco "Foz", Xosé Manuel Beiras ou Antom Airas Curto.