Edición xeral
Caixa Galicia prevé a venda da súa rede de oficinas exteriores
A entidade bancaria estuda a venda das arredor de 400 sucursais repartidas por todo o Estado e deixa fóra da operación as oficinas galegas e internacionais.
Tras desfacerse durante os últimos meses de participacións no sector enerxético (Unión Fenosa e Galp), Caixa Galicia estuda agora a venda, con opción de recompra, de 383 oficinas que posúe repartidas pola xeografía estatal. A entidade deixa fóra da operación as sucursais galegas e internacionais.
A venda destas sucursais realizarase baixo o sistema de "sale and leaseback", de venda e posterior arrendamento por un período determinado pola caixa, mentres que o resto da rede, integrada por 518 oficinas en Galiza e no mercado internacional, manterán a súa situación actual. O prezo destes activos no mercado aínda é descoñecido, pero depende directamente do período que a caixa permaneza como arrendatario.
A primeira caixa galega producirá con esta venda importantes plusvalías que irán destinadas a un proxecto que se materializará a curto prazo no noso país, segundo indicaron fontes da entidade. De non pechar a operación sobre as sedes, efectuaranse de igual modo as inversións previstas debido á liquidez da que dispón tras pechar o primeiro trimestre do ano cun beneficio atribuído de 133 millóns de euros.
Comentarios (3)
CaixAVARICIA xa ten ben de "proxectos" para a nosa sociedade: que non nola siga "proxectando"!
Un dos proxectos estrelados foi o que Fraga denominou "a perla da Ría" en Ferrol. Por que? Pois vostedes verán. A Reganosa non lle saen as contas.
Os proxectos de plantas químicas que Tojeiro ía instalar nas Pontes e que ían demandar inxentes cantidades de gas natural licuado nunca se soubo deles. As plantas térmicas de carbón que se ían a pechar para dar paso ás "limpas" con gas natural non se pecharon, reconvertéronse para queimar outro carbón. As empresas do "frío" que se ían a instalar en Mugardos (segundo o alcalde Toimil) aproveitando a sinerxía do gas natural criogénico están no mesmo lugar que as químicas de Tojeiro. No limbo.
Mentireiros todos.
Agora queren duplicar a capacidade de vaporización para exportar o gas a toda España. En que quedamos? O gas era para Galicia ou para quen co-- era?
Mentireiros todos.
E por último según El País do domingo pasado, o presidente de ENAGAs, Sr Llardén, quere utilizar as regasificadoras españolas como HUB para concentrar e fornecer o gas natural a Europa.
Mean por nós e .....
Mentirosos todos e ademáis especuladores irresponsbeis.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto