Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
O domingo 25 en Vigo

"Á rúa pola ría": as comarcas do contorno vigués teñen a punto a mobilización

A rede de colectivos "A Ría Non se Vende", integrada na plataforma "Galiza Non se Vende", convoca os cidadáns a defender o litoral "contra a destrución".

Redacción - 11:25 21/05/2008

"Recheos, urbanismo salvaxe, depuración desastrosamente deficiente, portos deportivos privatizadores, porto caótico e depredador, alteración de correntes e destrución de praias...". Son algunhas das queixas que teñen os dezaseis colectivos veciñais, culturais e ecoloxistas que integran a rede A Ría Non se Vende, integrada na máis ampla plataforma Galiza Non se Vende.

"O porto de Vigo non pode seguir medrando indefinidamente, arruinando a nosa maior fonte de recursos, para convertela nun almacén de vehículos e nun polígono industrial", láianse ao respecto do enfrontamento co peirao vigués, "os balances económicos do Porto sempre dan positivo, porque só contan os cartos gañados, mais nunca cuantifican canto vale o que destrúen".

A manifestación sairá o domingo 25 de maio ás 12h da Praza da Estrela, en Vigo.

SOS Ría de Vigo
Nos días previos á manifestación, a plataforma presenta en varios concellos o proxecto audiovisual "SOS Ría de Vigo", un traballo que fai repaso da deterioración ambiental deste espazo.

Velaquí os lugares e horas onde aínda poderá verse esta semana:

S. MIGUEL DE OIA
Lugar: Local da Asociación Veciñal e Cultural – Vigo
Data: Xoves 22.05.08
Hora: 20:00
BOUZAS

Lugar: Bouzas – Vigo
Data: Xoves, 22.05.08
Hora: 20:00

NIGRÁN
Lugar: IES Val Miñor- Nigrán
Data: Xoves, 22.05.08
Hora: 20:00

MOAÑA
Lugar: Casa do Mar – Moaña
Data: Venres, 23.05.08
Hora: 20:00

ALCABRE
Lugar: Local da Asociación Veciñal – Vigo
Data: Venres, 23.05.08
Hora: 20:00

CORUXO
Lugar: Local da Asociación Veciñal – Vigo
Data: Venres, 23.05.08
Hora: 20:00

CASCO VELLO- VIGO
Lugar: Centro Cívico do Casco Vello, Vigo
Data: Venres, 23.05.08
Hora: 20:00


4,94/5 (18 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: