Vieiros

Vieiros de meu Perfil


Edición xeral

RSS de Edición xeral
PROPOSICIÓN NON DE LEI

A Cámara pide que se ligue a estabilidade laboral ás axudas aos medios

Apróbase por unanimidade un texto que tamén pide que se teña en conta o fomento da lingua nas empresas de comunicación.

Redacción - 19:25 22/05/2008

O Parlamento aprobou por unanimidade unha proposición non de lei para que as empresas de comunicación con "altos índices de precariedade" laboral teñan menos opcións á hora de obteren axudas públicas.

A proposición, defendida pola deputada do BNG Modesta Riobó, insta o Goberno a que nas convocatorias se inclúan claúsulas que desincentiven as empresas con emprego precario e lles concedan máis puntos ás que "demostren crear emprego estábel no último exercicio".

No texto pídese que nas convocatorias de axudas públicas, sinatura de convenios e contratación de publicidade con empresas de comunicación se inclúan criterios como a estabilidade laboral e o "incremento real" do uso da lingua galega.

Riobó denunciou que na prensa do país a precariedade acada o 50%, e que algunhas empresas someten os seus traballadores a "xornadas abusivas", estabelecen "horarios precarios" e substitúen "profesionais con experiencia por recén licenciados aos que se lles paga menos", ademais de abusar do "persoal en prácticas" e dos "falsos autónomos", o que redunda na calidade do traballo.


2.25/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: