Vieiros

Vieiros de meu Perfil


Edición xeral

RSS de Edición xeral
Xuntanza Quintana-Mas

CiU ofrece apoio no Congreso para forzar a transferencia de tráfico a Galiza

O vicepresidente da Xunta e voceiro nacional do BNG, Anxo Quintana, pídelle a Zapatero "coherencia" para aceptar unha proposta que conta co apoio unánime do Parlamento.

Redacción - 18:30 13/06/2008

"Esta demanda de autogoberno cumpre coas condicións que estableceu Zapatero", afirmou Anxo Quintana este venres ao respecto da demanda expresada en reiteradas ocasións ao goberno español para a transferencia a Galiza das competencias en materia de tráfico e seguridade viaria.

Quintana recordou que o propio presidente do executivo español, José Luís Rodríguez Zapatero argumentou en días pasados ante a proposta de referendo do lehendakari vasco que a condición "para calquera mellora do autogoberno" é que a proposta conte co "amplo apoio do parlamento e co consenso cidadán". Na opinión do vicepresidente da Xunta, en "coherencia" con esa afirmación, Zapatero debera apoiar a proposición do Parlamento galego "para crear unha policía galega con competencias en tráfico e seguridade vial".

Fronte a esa situación, o secretario xeral de Convergència i Unió, Artur Mas, comprometeu o apoio de CiU no Congreso para pedir o traspaso das competencias de tráfico. Mas ofreceu os votos dos dez deputados da súa formación para apoiar a proposición non de lei aprobada de forma unánime polas tres forzas políticas con representación no Parlamento.


4,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: