Vieiros

Vieiros de meu Perfil


Edición xeral

RSS de Edición xeral
Pleno do Parlamento Europeo

A UE aproba a norma que permite reter 'inmigrantes ilegais' até 18 meses

A lei recibiu o apoio de 369 europarlamentarios. Un total de 197 votaron en contra e 106 abstivéronse.

Redacción - 14:05 18/06/2008
Manifestacion contra esta directiva. Na faixa pódese ler "Non á Europa fortaleza" / Flickr: agualva

Manifestacion contra esta directiva. Na faixa pódese ler "Non á Europa fortaleza" / Flickr: agualva

O pleno do Parlamento Europeo aprobou esta cuarta feira, por 369 votos a favos, 197 en contra e 106 abstencións, a polémica norma que simplifica os procedementos de repatriacións dos inmigrantes.

A directiva (que recolle, entre outras cousas, un apartado no que se especifica que os inmigrantes poden ficar un máximo de ano e medio recluídos nun centro de internamento, mentres agardan pola súa expulsión do país) recibiu o apoio maioritario do grupo popular europeo, incluída a delegación española, e dos liberais.

Os socialistas dividíronse, aínda que a delegación española tiña previsto votar a favor, a pesar do rexeite das súas emendas. O grupo dos verdes e de Esquerda Unitaria, como se prevía, votaron en contra do texto.

Dous anos para aplicala
O visto e prace da Eurocámara supón o punto e final da tramitación da directiva. Unha vez publicada no Boletín Oficial da UE, os estados membros teñen o prazo de dous anos para introducila nas súas respectivas lexislacións nacionais. Ademais, han ter un ano a maiores para prestar a súa asistencia xurídica e de balde aos inmigrantes inmersos nun proceso de expulsión.

Con esta aprobación volveu saltar a alarma no seo de varios movementos sociais e ONG, entre elas Amnistía Internacional, que xa denuncio en reiteradas ocasións que esta norma vulnera os Dereitos Humanos. Para a responsábel da Comisión Nacional de Emigración do BNG, Ana Miranda, esta cuarta foi "un día triste para a Unión Europea, pois a aprobación da proposta de directiva de retorno, a chamada directiva da vergoña, fai primar os valores da seguranza polos da liberdade, e non ten en conta a denuncia unánime de oposición de numerosos colectivos da sociedade civil europea nin as denuncias realizadas dende estados latinoamericanos como Bolivia e Ecuador e varias organizacións cívicas africanas e sudamericanas. Esta proposta restritiva de dereitos supón un acto de renuncia do Parlamento Europeo aos propios valores que sempre defendeu, sen ir ao fondo das causas da inmigración ilegal".


3/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: