Edición xeral
O goberno español prepara un plan para aforrar 5.000 millóns de euros en enerxía
Queren facelo "antes das vacacións", segundo dixo o ministro de Industria, Turismo y Comercio, Miguel Sebastián.
O ministro de Industria, Miguel Sebastián
Sebastián explicou que estas medidas han afectar aos ámbitos comercial, residencial, do transporte e enerxético, e que nelas colaborarán seis Ministerios, facéndose todo antes do verán. No caso de que se chegase a reducir un 10 por cento a dependencia do petróleo, segundo o ministro de Industria, o aforro podería chegar aos 5.000 millóns de euros.
Na actualidade o Estado Español importa 435 millón de barrís de cru ao ano, e con este plan, segundo Sebastián, poderíase evitar a compra de entre 43 e 44 millóns de barrís.
En que vai consistir o plan
Fontes de Industria sinaláronlle a Europa Press que aínda non está definida a forma legal para articular o plan, pero que se vai facer todo nun prazo de dous anos, nos que se deberán cumprir os obxectivos de aforro previstos.
Para Sebastián, o obxectivo de aforrar o dez por cento das importacións de cru é "razoábel" e permitirá mellorar la eficiencia do Estado, un dos factores clave, segundo dixo, para elevar a competitividade.
Estoupar a burbulla especulativa
Miguel Sebastián dixo, ademais, que para mellorar o competitividade é preciso ofrecer unha "axeitada estrutura de prezos" no mercado enerxético, incentivando, ao tempo, o aforro do consumo por parte das industrias que son os responsábeis da demanda final do 31 por cento dos combustíbeis.
O ministro avogou tamén por facer unha "reforma no mercado de futuros" no que cotiza o petróleo, de tal xeito que se poida estoupar a burbulla especulativa. "É de interese global" acabar con este fenómeno", asegurou.
Comentarios (7)
A ver cando liberalizan a produción e distribución enérxetica, porque aquí resulta que dependemos do petroleo, pero cando Galicia solicita 25000 megavatios de potencia eólica só lle dan 12000. Cómo se come a tosta?
Estou seguro de que vai ser outra iniciativa hipócrita para acadar algúns titulares balsámicos antes de agosto.
Medios informativos, técnicos e coercitivos hainos abondos, ou son doados de establecer, se hai vontade política, coherencia e decencia (para aforrar enerxía, reducir drásticamente os accidentes de tráfico, ordenar e optimizar o transporte público, aforrar nas administracións públicas, etc...).
O malo é que a vontade política está guiada pola "roda" ...intereses/beneficios económicos -> campañas electorais -> resultados electorais -> acción política -> (volta a empezar). E a incultura, o amor ao hedonismo e o callo do electorado son o lubricante ideal para este "sistema" dos falsos e sectarios.
...e mentres lles chega o seu Sanmartiño podemos ir a peor, moi a peor.
Non sei porque me da OUTROLECTOR que o remate vas ter razón.O carallo é que o San Martiño deles vai ser o noso San Martiño.
Home roibran, creo que a Xunta está licitando 2325 Mw, non 1.200 como ti dis. Tamén che aclaro que Galicia é excedentaria de electricidade e que con este plan, que deixerá os montes galegos desfeitos, Galicia terá 6.500 Mw, cifra que contrasta con Francia que tiña hai uns meses menos de 2.500.
Para que vexan a animalada que están facendo en Galicia coa proliferación masiva de parques eólicos cunha potencia de 6.500 Mw (iso si, a metade dos días están parados por falta de vento), dicir que Portugal ten instalados 2.150 MW, Italia 2.726 MW, Dinamarca 3.125 MW, Reino Unido 2.389... e podería seguir.
¡E Galicia soa vai ter 6.500 MW de muiños!, e dicir, o monte cheo de parques eólicos desde Ribadeo a Tuy, ¡PERO QUE LISTOS SOMOS OS GALEGOS E QUE PARVOS SON NO RESTO DE EUROPA!!!
Mas o conselheiro anunciou 20.000 MW
O país do mundo que mais tem é Alemanha, com 22.247 MW(e uma potente indústria). Estados Unidos 16.818 MW é o segundo.
Mas na Alemanha, NENHUM está numa área de alto valor ambiental, o mesmo que nos EEUU, e a estrutura territorial é radicalmente diferente. O mesmo que a económica, em paises fortemente industrializados.
A Comunidad de Madrid, com uma serra bastante "apta", incluiu-a na Rede Natura, com o 40% do território. Galiza é a segunda autonomía com menos território em Rede Natura depois de Ceuta.
Nós somos a lixeira do estado, eles levam os fundos da UE para Meio Ambiente. A Esperanza Aguirre não pus tanto território na Rede Natura por ser ecologista...
Tamén prohibiron agora os bombillos incandescentes, as luces de sempre, nunha fazaña sin igual qsue comparan cos países nórdicos (non sei si Dinamarca), mais Cuba xa o fixo hai 3 anos ou máis e un chisquiño menos, Venezuela.
Mais claro os medios de INCOMUNICACIÓN de FALSIMEDIA non podían compararnos con semellantes "países"! E menos si copiabamos as suas decisións!! Ónde tal se viu!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto