Edición xeral
O PP rexeita o cambio de nome do hospital da Coruña e pregunta "canto custará a broma"
Acusan a Sanidade de argallar manobras de "distracción" para "agochar problemas asistencias" e listas de espera.
"O Hospital Juan Canalejo é un centro de referencia, con prestixio internacional e unha notábel presenza dos seus profesionais en congresos e publicacións especializadas", argumentaba o voceiro de Sanidade do grupo parlamentario do PPdeG, Miguel Santalices, para censurar a supresión do nome do coñecido falanxista Juan Canalejo da denominación oficial do complexo hospitalario coruñés.
Santalices opina ademais que o cambio implicará modificar a imaxe corporativa do hospital, "como sinalización, papelería, sabas, toallas, etc" e pídelle á Consellaría de Sanidade que explique "canto custará esa broma". Tamén opina o popular que a decisión "vai provocar confusión entre a comunidade científica".
De paso, Miguel Santalices opinou que o Goberno usa este cambio como parte dunha "coidada estratexia" para desviar a atención da opinión pública "cara a cuestións secundarias, cando o realmente importante son as deficiencias asistenciais que se están a rexistrar".
Doutra banda, ao respecto dese presunto gasto, desde Sanidade retrucan que non se vai xerar gasto engadido nin dotacións orzamentarias específicas. "As actuacións materiais concretas que requira a aprobación do decreto vanse realizar de forma progresiva e con cargo ás dotacións orzamentarios previstas", explican, de tal xeito que os custes que orixinen os cambios "iranse asumindo coa redistribución dos créditos orzamentarios ordinarios do Servizo Galego de Saúde".
Comentarios (13)
A estes nom há quem os entenda. Entom canto custará a broma de cambiar os nomes de etarras das rúas de Euskal Herría, e é mais, nom se provocará confusión alí, ja que nom cambia unha soa rúa coma pode ser o nome dum hospital, senom centos e centos co que a traerá problemas a xente de alí pra orientarse.
Chamémoslle Hospital do Generalísimo que seguro que así non protestan os golpistas e reaccionarios do PP
que raro os do pp en contra..
Correcto Pepedaconcha.
Se en troques de se chamar Juan Canalejo se chamara, v.g. Santiago Carrillo, xa veriamos o que dician.
Nada, nada, Hospital Txapote ou Hospital Josu Ternera, que decerto gostarão mais. Estão tolos estes pepeiros!!
Por certo, acho que custou mais a mudança da imagem corporativa do Sergas (agora, Servizo Galego de Saúde, sem acrónimo), e não se queixaram tanto!
Non sei porque se extraña a xente con esta declaración de intencións, debe ser que estaban moi comodiños có ancienne regime, xa o dixo mayor oreja que de aquella se vivia muy bien jejeje
que poñan o nome que queiran.pero por deus que quiten este nome pk é unha ofensa ao pobo.eu penso que os nacionalistas españois tampouco lles agrada ver nomes de etarras nas prazas ou ruas vascos.=que a min non me faria graza ningunha
A dobre moral do PP.
Protesta contra a lei que obriga a retirar a simboloxia franquista, mais pide a retirada das ruas dos etarras.
Falta de gastos, e eles dilapidaron millons de euros dos galegos na cidade da incultura de Santiago. Ademais canto nos costan os galegos as viaxes do Papa Lucifer a Santiago?. Ou os concertos do Xacobeo de Julio Iglesias?.
Os do PP sempre protestando cando se lles toca algo que lles recorda de onde viñeron. ¿Cantos anos terán que pasar para que esquezan as ditaduras? , e despóis enfádanse cando se lles chama fachas.
O mellor nome para o Hospital creo que sería "Prestige"
Quanto custa a "broma" da Família Real espanhola?
Todo o mundo sabe o porque do nome... todo o mudo sabe porque esta tortura psicoloxiaca das nais que tiñan que ir a parir alí, e tiñan irmans, pais e avos asesinados por ese home.. todo o mundo sabe que o que se pretendia era decir a esas nais que se seguian polo mesmo camiño o seguinte en morrer seria o seu fillo....
¿COMA NON IA A SEGUIR O PP TENTANDO MANTER ESTA TORTURA PSICOLOXICA?
12# Pouco inteligentes no PP, poderiam ter proposto "Juan Carlos de Bourbon" ou "Príncipe Felipe" para manterem a "tortura" (nom deixam de ser os herdeiros da jefatura do Estado que impulsou Canalejo e o seu Movimiento, e isso aínda está na consciéncia de muitas persoas). Ousaria o BNG vetar esses nomes ou poriam a ondear umha bandeira galega horas depois da visita real?
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto