O MpDC denuncia que o Concello de Lugo vixía as rúas da capital cun permiso caducado
A norma estabelece que a licenza para o uso de cámaras de vídeo vixilancia debe ser renovada de xeito anual, e o trámite iniciado dous meses antes de expirar.
O goberno de Lugo está a cometer unha grave infracción, segundo sostén o Movemento polos Dereitos Civís (MpDC). As cámaras de vídeo vixilancia instaladas no casco histórico serían ilegais, xa que o permiso para a súa instalación caducou o pasado 18 de abril. Segundo este colectivo, a delegación do goberno envioulles un escrito no que indicaba que os permisos dos dispositivos caducaron e que o concello non solicitou a renovación anual correspondente. Así, solicitan ao concello lugués a retirada inmediata das cámaras que aínda ten instaladas no casco antigo e que non cumpren os requisitos da normativa vixente.
Lexislación de vídeo vixilancia
Segundo estabelece o regulamento, o permiso para o uso de cámaras de vídeo vixilancia débese renovar de xeito anual e o seu trámite débese iniciar dous meses antes de que expire a autorización. O MpDC denuncia que o concello de Lugo non o fixo e, en consecuencia, estaría a cometer unha grave infracción tipificada na Lei 4/97, de 4 de agosto.
"Respectar o marcado na normativa que regula a vídeo vixilancia é a única maneira de ofrecer as garantías xurídicas mínimas para o libre exercicio dos dereitos fundamentais dos cidadáns, así como evitar usos fraudulentos dos dispositivos", asegura o colectivo nun comunicado. Ademais, recordan que as cámaras do casco histórico de Lugo non aparecen no listado de dispositivos autorizados remitido polo goberno estatal ao Senado o pasado mes de decembro e que non está comunicado no rexistro xeral da Axencia española de Protección de Datos a creación dun ficheiro de imaxes, tal e como se estabelece na normativa actual.
Ligazóns
Comentarios (6)
Estou certo de que é, por umha boa causa, para controlar fraudes urbanísticos na cidade.
Longa vida ao "Big Brother" de Orozkostadt!
Q mal pensada é a gente: é por umha boa causa... à parte de controlar as fraudes urbanísticas, controla-se o q fai a gente de mal viver q nom tenha carné PPsoe
Eu non sei que se lle pode ver de malo a que haxa cámaras de vídeo vixilancia na rúa. A meirande parte das cidades as teñen: dende Santiago a Barcelona os concellos instalan cámaras para persuadir aos pouco respectuosos co mobiliario urbán. Que ocorre? Que agora prohibir emporcar as paredes con pintadas estúpidas atenta contra a liberdade expresión? Demagoxia barata por parte daqueles que lles molesta que se protexa e vixie o patrimonio urbano de todos. Xente que fai uso dese tipo de delicuencia urbana: sobra citar determinados colectivos marxinais.
O teu argumento é impecável, bcngz, sempre que também se instalem cámaras em notarias, escritórios de alcaides, concelheiros, conselheiros, ministros, promotores inmobiliários, banqueiros, nas empressas, cuartelillos, comissarias, cárceres, bispados...
e que tod@s tenhamos acesso a vídeo e áudio.
Por certo bcngz... a noticia refirese a que as cámaras non contan con permisos. considera que é xustificada a instalación de cámaras ilegais para perseguir ilegalidades?
Podemos buscar unha interpretación totalmente demagóxica. O que hai é que a vixilancia do mobiliario urbano non lle molesta a ninguén (si, só a aqueles que o estragan) salvo a esta xente con tanto tempo libre que se chaman Movemento polos dereitos civís.
Se o concello de Lugo non renovou a licencia será en todo caso por erro administrativo. Non hai máis nova alén diso.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto