Vieiros

Vieiros de meu Perfil


Fwwwrando

RSS de Fwwwrando
TODAS AS WEB ESPAÑOLAS DE POLITONOS INCUMPREN A NORMATIVA COMUNITARIA

Politonos non tan gratuítos

Os sitios web españois que venden politonos e fondos de pantalla para móbiles incumpren a normativa sobre protección dos consumidores, segundo un estudo da Comisión Europea.

Redacción - 13:54 18/07/2008
Descargas enganosas

Descargas enganosas

Un 80% dos sitios que se controlaron no estudo detectaron irregularidades tales como a falta de información sobre o prezo das descargas ou publicidade enganosa. Pero esta porcentaxe increméntase ata o 100% no caso de España, xa que dos 25 sitios investigados, todos eles vulneraban a normativa comunitaria sobre protección de consumidores.

A investigación centrouse neste tipo de webs debido á cantidade de queixas presentadas por parte dos usuarios e a que é un mercado emerxente a escala europea.

A meirande parte das irregularidades detectadas refírense á falta de información sobre como poñerse en contacto co vendedor dos politonos, publicitar unha descarga como gratuíta cando non o é ou non expoñer os prezos concretos de cada politono ou fondo de pantalla.

Unha vez detectadas as anomalías, o Instituto Nacional de Consumo vaise dirixir a estes sitios web para que as corrixan. Se non o fan, as autoridades teñen poderes para pechar as páxinas, multar ás empresas ou mesmo levalas ós tribunais.

FWWWRANDO


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: