Vieiros

Joaquín Almunia, líder do PSOE, asegurou o luns na Coruña que a campaña electoral do PP non a dirixe Mariano Rajoy, "senón os once emprearios amigos de Aznar que son os que mandan e os que marcan as directrices do Goberno". O líder socialista reuniu no Pazo de Congresos a máis de 2.000 simpatizantes e prometeu rematar en tres meses coas fundacións públicas sanitarias. Ademais, ampliará a asistencia domiciliaria e ofrecerá atención bucodental de balde a nenos de 7 a 16 anos. Ademais del, falaron Francisco Vázquez, alcalde da Coruña, Emilio Pérez Touriño, secretario xeral do PSdeG, e Carmen Marón, candidata pola Coruña.