Vieiros

Vieiros de meu Perfil


Edición xeral

RSS de Edición xeral
Despois da explicación de Solbes

Ao BNG non lle parece de abondo o gasto social contemplado dos orzamentos

Pensan que o investimento en infraestructuras e I+D+i é "pouco ambicioso". Así o dixo Jorquera no Congreso, incidindo en que o executivo está "perseverando nos seus erros".

Redacción - 18:28 26/09/2008
O voceiro do BNG no Congreso dos Deputados, en Madrid

O voceiro do BNG no Congreso dos Deputados, en Madrid

O voceiro do BNG no Congreso dos Deputados, Francisco Jorquera, considerou "insuficientes" os incrementos anunciados en materia social no proxecto de Lei dos Orzamentos Xerais do Estado para 2009, e dixo ver "pouco ambiciosa" a aposta que fixo o goberno español en materia de infraestruturas e I+D+i para afrontar a crise.

Tras coñecer as contas públicas, Jorquera salientou que, nun contexto de crise económica, o aumento do porcentaxe en gasto social resulta "escaso" dado que nunha situación de recesión, débende impulsar, ao seu ver, políticas sociais, sobre todo para "aliviar a carga económica" ás clases sociais máis desfavorecidas. Neste sentido, dixo que este orzamento "non asegura" o financiamento necesario para un axeitado desenvolvemento da Lei de Dependencia.

Elaborando orzamentos sen asegurar os apoios
Jorquera tamén acusou o goberno español de incidir nos seus "erros" ao comezar a lexislatura sen procurar apoios para a investidura de José Luis Rodríguez Zapatero como presidente do executivo, e elevando agora ao Consello de Ministros o proxecto dos orzamentos, "sen ter conseguido previamente as maiorías parlamentarias que lle dean soporte".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: