Vieiros

Vieiros de meu Perfil


Fwwwrando

RSS de Fwwwrando
OPERACIÓN 'CARRUSEL'

Un axente do CNI, entre os detidos nunha macroredada contra a pornografía infantil

A intervención policial, a máis importante da historia no Estado Español, rematou con 121 detidos, 11 galegos.

Redacción - 17:00 01/10/2008

A operación máis importante feita no Estado Español contra a pornografía infantil na internet saldouse con 121 persoas detidas. Delas, un era espía do Centro Nacional de Intelixencia (CNI), outro formaba parte da Policía Nacional e un máis era aspirante á Garda Civil.

A denominada 'Operación Carrusel', feita pública este mércores pola Brigada de Investigación Tecnolóxica (BIT), conta con 11 galegos entre as persoas imputadas. Por idades, a maioría tiñan entre 31 e 40 anos, seguidos dos menores de 30. As súas profesións variaban entre informáticos (15), profesionais liberais (16), funcionarios (12), estudantes (4) e desempregados (27).

Na operación colaboraron forzas de seguridade de 75 países. De feito, as investigacións iniciáronse o ano pasado no Brasil, estudando os usuarios da rede Edonkey que descargasen, cando menos, tres arquivos de pornografía infantil. No operativo, que segue aberto, rexistráronse 210 domicilios.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: