Vieiros

Vieiros de meu Perfil


Edición xeral

RSS de Edición xeral
RELEVO

Xosé Carlos Sierra substitúe a Carlos Amoedo como secretario xeral de Cultura

O novo responsábel era até agora delegado en Ourense do departamento que dirixe Ánxela Bugallo.

Redacción - 17:45 06/11/2008
O novo secretario xeral (esquerda) e o saínte (dereita)

O novo secretario xeral (esquerda) e o saínte (dereita)

Xosé Carlos Sierra Rodríguez foi nomeado polo Consello da Xunta novo secretario xeral da Consellaría de Cultura e Deporte. Sierra substitúe a Carlos Alberto Amoedo Souto, que foi, asemade, cesado.

O novo secretario xeral, nado en Pontevedra en 1950, é museólogo e está especializado en patrimonio etnolóxico e antropolóxico. Desde 1993 foi director do Museo Etnolóxico de Ribadavia, membro do Instituto Padre Sarmiento de Estudos Galegos, patrono da Xunta Reitora do Museo do Pobo Galego e membro da sección de Antropoloxía do Consello da Cultura.

Sierra Rodríguez é autor de máis de 60 publicacións sobre temas etno-patrimoniais e dirixiu o proxecto do Museo Galego do Viño, que terá sede en Ribadavia. Até agora ocupaba o cargo de delegado en Ourense da Consellaría de Cultura e Deporte.


3.54/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: